NRK Meny
Normal

Imaštit SNO helikoptergeavaheami

Imaštit manne SNO geavaha helikoptera go dárkkistit guollebivdiid.

Befaring med helikopter

Illustrašuvdna govva

Foto: Klemet Anders Sara/NRK

Muhtin guollebivdit ja olbmot Finnmarkkus, geat leat johtan sisjávrriin, dego Iešjavrris lagamus áiggiin, leat imašdallan go Stáhta luonddubearráigeahčču, SNO geavaha helikoptera go fitnet dárkkisdeamen guollelobiid bivdiin.

SNO meahccebearráigeahčči Guovdageainnus Henrik Eira lohkká gal olu eará maid dáhpáhuvvat seamma mátkkis.

– Dát lei oktasaš máŧki boazopolitiijáin ja FeFon, mas čađahat juohkelágan bearráigeahččuid.

Geat bivdet

Henrik Eira lohká FeFo dáhttun iskkat geat dat bivdet jávriin mat eai leat nu láhka luottaid, norgalaččat vuoi olgoriikalaččat, ja sis ledje maid eará dárkkisteamet dieid máŧkiin.

FeFo og SNO kontrollerer rypejegere

Dá FeFo ja SNO helikopterbearráigeahččus 2009is, dárkkisteamen rievssatbivddu.

Foto: Kjell Are Guttorm / NRK

– Dákkár bearráigeahččuid čađahit moattegeardde jahkái, lohká Eira.

Elen Maria Eriksen, gii orru Šuošjávrris, ii leat ieš gal dál deaivan helikopterbearráigeahččiid, go lea johtan Iešjávrris bivddus, muhto smiehtta makkár dárbu dasa lea.

– Veaháš ártet muhtimin go vuvdet guollekoarttaid ja de divras helikopteriid geavahit daid fas vuolgit iskkat, nie sáhttá jurddašit, muhto ádden gal dan ahte muhtimii fertejit dainna vuolgit johtui, lohká Eriksen.

Unnedit iežaset vuoddjima

SNO bargi Henrik Eira lohká dávjá vuojániiguin jođus go čađahit bearráigeahččuid, muhto maiddái sii suodjalit luonddu go muhtimii girdet go de vel sáhttet stuorát bearrigeahččuid čađahit.

Diimmá váide bearráigeahččit 744 ášši, dain ledje 503 luossa- ja siseatnanguolásduslágá rihkkosat.