NRK Meny
Normal

Galget dovdat gullevašvuođa

Norggas leat boarrásiid fuoláhusdáluid olggobeallái álgán ráhkadit nu gohcoduvvon "Sansehageiid". Dát olgobiras galggášii de muittuhit boarrásiid iežaset ovddeš eallindilis, muhto eai boarrásat arvva olggos vuolgit veahkki haga.

Hearrágoahtenjárgga "Sansehagenis"

Hearrágoahtenjárgga 'Sansehagenis'

Foto: Anne Olli

Gula ášši

"Sansehage" čikŋan

Hearrágoahtenjárgga "Sansehagenis"

Hearrágoahtenjárgga 'Sansehagenis'

Foto: Anne Olli

Hearrágoahtenjárgga/ Nyborgga buhcciid ja boarrásiid dálu olggobeallái leat maid ásahan "Sansehage". Dát galggašii dán guovllu boarrásiidda muittuhit erenomážit sin iežaset ovddeš eallindilis.

Boarrásat eai beasa olggos

Hearrágoahtenjárgga boarrásiid dálu buohccedivššár Wenche Ellingsen, ii loga boarrásiid nu dávjá gal beassat olggos geahčadit dan maid leat ráhkadan sin dálu olggobeallái. Olggos eai beasa, danne go sis eai leat bargit geat asttet vuolgit boarrásiiguin olggos. Eai astta danne go sis leat unnán bargit ássiid ektui.

Wenche Ellingsen

Wenche Ellingsen

Foto: Anne Olli

Vulget jos mieđuštivčče sin

Samuel Mathisen

Samuel Mathisen

Foto: Anne Olli

Boarrásat vuolggášedje áinnas olggos jos livččii gii nu gii vuolggášii sin mielde. Iečanassii eai arvvašii vuolgit váccašit "Sansehagenis". Samuel Mathisen gii ássá boarrásiid dálus, son vuolgá vázzinstoaluinnis min mielde. Ja muittáša áinnas dan áiggi go son bivddii meara ja heaŋgguid jilliide guliid goikat. Ja dás olggobealde oaidná son maid guolle jielli. Son lohká leat somán beassat finihit olgun vaccašeamen fiinna oljogruvsejuvvon luotta mielde.