Hopp til innhold

Árja: – Allet vajáldahte sámi buhcciid

– Sámi buhcciid dárbbut berrejit boahtit eambbo oidnosiid válgagiččuin, oaivvilda Árjja presideantaevttohas Inge Eline Eriksen Fjellgren

Pasient i Indre-Finnmark

– ÁNSSÁŠIT BUORRE DILI: Maiddái sápmelaččain galgá leat buorre dilli vuorrasat beivviid. Nu dat ii leat juohke sajis, oaivvilda Inger Eline E. Fjellgren, Árjja vuosttaš evttohas Ávjovári valgabires.

Foto: Vanja Ulfsnes / NRK

Inger Eline Eriksen Fjellgren

– DEHÁLAŠ MÁHTTU: – Vuoras olbmot leat dehálačča min servvodagas. Sii dihtet ollu, leat vásihan visot ja leat dat geat sáhttet fievrridit dan máhtu nuorat buolvvaide, oaivvilda Inger Eline Eriksen Fjellgren.

Foto: Frode Grønmo / NRK

Su mielas eiseválddiid lea ain menddo unnán áddejupmi ja dáhttu vuoruhit sámi buhcciid.

– Dál eai sáhte šat dušše hállat dáid áššiid birra, muhto baicce bidjat johtui dárbbašlaš doaimmaid, son deattuha.

  • Guldal:

Su mielas lea ain dál olu sajiin gos sámi buohccit eai beasa sámástit dearvvašvuođabargiiguin.

– Dála láhka gal juo geatnegahttá ollu, muhto sáhttá ain buoriduvvot. Olu sajiin sámi buohccit eai vel ge beasa gulahallat sámegillii dearvvašvuođabargiiguin. Ii ge dat leat dohkálaš, oaivvilda Eriksen Fjellgren.

Dáhttu buohccedivššároahpu Guovdageidnui

Jus galget sáhttet virgádit eambbo sámi dearvvašvuođabargiid, de su mielas lea dárbu ásahit buohccidivššároahpu Guovdageidnui.

– Dearvvašvuođabargiin ferte leat doarvái kultur- ja giellamáhttu. Ja mu oainnu mielde ii livččii dat nu váttis doallat sidjiide moadde kurssa nu ahte áddejit dan mađe ahte eai leat áibbas iešguđet máilmmis. Eai han sii áddehala jus pasieanta sámásta ja bargi ges dárosta, lohká Árjja presideantaevttohas.

Korte nyheter

  • Davviguovllus ballet eanemusat soađis Norggas

    Les på norsk.

    Norgga golmma davimus fylkka ássit ballet soađis eanet go muđui Norggas. Unnimusat fuolastuvvet oaivegávpoga ássit.

    Nordlánddas, Romssas ja Finnmárkkus ballet 43,2 proseantta soađis, ja Østlánddas ges ballet 26,6 proseantta, čállá Forsvarets forum.

    InFact lea čađahan oaiviliskama.

    Oslo ássit eai vuorjašuva soahtebalu geažil seammá ládje, dušše 28,5 proseantta vástidedje juo gažaldahkii ahte balletgo Norgga šaddamis soahtedillái.

    – Romssas ja Finnmárkkus leat máŋga militearabása, nu ahte dihtomielalašvuohta lea stuorát go eará guovlluin Norggas, vaikko soahteáitta lea unni, dadjá Beardu suohkana sátnejođiheaddji Toralf Heimdal (Sp).

  • NRK Sápmi gidde iežas Facebook ja Instagram kontoid

    Les på norsk.

    Geassemánu 18.beaivve gidde NRK Sápmi iežas Facebook ja Instagram kontoid.

    Dát mearkkaša ahte don it šat oaččo ođđasiid daid bokte.

    Sivvan dasa lea go NRK háliida leat unnit sorjavaš goalmmát beliin, ja áigu baicca návccaid atnit almmuhit iežas vuođđovuogádagain – NRK.no, NRK Radio ja NRK TV.

    Háliidatgo ođđasiid Sámis? NRK.no:s sáhtát válljet Sápmi iežat guovlun - ja oažžut eanet sámi ođđasiid njuolga NRK.no bokte.

    Oaidnalit NRK TV:s, NRK Radios ja NRK.no:s!

    18. juni stenger NRK Sápmi våre kontoer på Facebook og Instagram. Det vil si at du ikke lengre får oppdateringer fra disse kontoene. Grunnen er at NRK vil være mindre avhengig av tredjeparter, og bruke kreftene på bedre publisering på egne plattformer - NRK.no, NRK Radio og NRK TV.
Ønsker du å bli bedre oppdatert fra Sápmi? På NRK.no kan du velge Sápmi som ditt område – og få flere samiske nyheter direkte på NRK.no.
Vi ses på NRK TV, NRK Radio og NRK.no! 😊
  • NRK Sápmi stenger egne kontoer på Facebook og Instagram

    Loga sámegilli.

    18. juni stenger NRK Sápmi våre kontoer på Facebook og Instagram.

    Det vil si at du ikke lengre får oppdateringer fra disse kontoene.

    Grunnen er at NRK vil være mindre avhengig av tredjeparter, og bruke kreftene på bedre publisering på egne plattformer – NRK.no, NRK Radio og NRK TV.

    Ønsker du å bli bedre oppdatert fra Sápmi? På NRK.no kan du velge Sápmi som ditt område – og få flere samiske nyheter direkte på NRK.no.

    Vi ses på NRK TV, NRK Radio og NRK.no!