NRK Meny
Normal

– In diehtán ahte sii geavahit diekkár teknihkalaš rusttegiid

Dan lohká okta dain máŋgga nuorain geat leat boahtán miehtá Eurohpá Sápmái oahppat sámi kultuvrra birra.

Nuorat miehtá máilmmi boahtan Sápmái oahppat sámi kultuvrra birra.

Hans Ole Eira čájeha Eurohpánuoraide drone. Reportár ja artihkkalčálli Biret Rávdná Eira. Govven Samuel Frode Grønmo.

Go Lákkonjárgga jođiheaddji Hans Ole Eira čájehii ahte son geavaha drone veahkkin boazoealáhusas, de dát hirpmástuhtii duiskka-nieidda Lea Röring.

– Munnje lei ođas dat ahte sii geavahit drone. In diehtán sii geavahit diekkár teknihkalaš rusttegiid, muitala Lea Röring.

«Let´s do it outside»

Measta 50 nuora, 6 riikas leat čoahkkanan Lákkovuonbáhtii, Finnmárkui.

«Let´s do it outside»-doalut lágiduvvojit gitta borgemanu 10 beaivái. Nuorat ohppet oasi sámi kultuvrras, seammás go digaštallat minoritehtaid, eamiálbmogiid ja álbmot vuoigatvuođaid birra.

EU nuoraid ohppiidlonohallan- prográmma Erasmus + ja Aktiv Ungdom ruhtada prošeavtta.

Sámi beaivi

Doaluin lágiduvvui «Sámi beaivi». Oasseváldit besse oahpat sámi kultuvrra ja boazodoalu birra, ja sii besse maid máisttit suovas biergu, njealljejuovllat-vuojaniin vuodjit, cegget lávu ja oahpat njoarostit.

Hui duhtavaš

Aleksandr Ilijevski gii lea Makedonias eret, muitala ahte su mielas lea hávski deaivvadit nuoraiguin.

– Lea erenomáš gullat earálágan oainnuid dáid oktasaš hástalusain mat mis leat Eurohpás.