Dåaroenïerh edtjieh Noerhte-Trøøndelaagesne haarjanidh

16.000 dåaroenïerh ovmessie laantijste Noerhte-trööndelaagese båetieh jih edtjieh lïeredh guktie daelvie vearaldisnie dåarodh.

Militær kolonne

Militære raajroe geajnoej mietie.

Foto: Torbjørn Kjosvold / Forsvarets mediesenter

Dåaroenïerh Amerikeste, haepkine eatnemem vaaksjoeh, guktie eatneme vååjnoe jih lïeredh guktie maehtieh tsukngie vearaldisnie girtedh.

Daate haarjanimmie aalka njoktjen 2 .b.– 9.b. jih gohtje Cold Response jih edtjieh Noerhte- Trööndelaagesne hööllestidh.

Soldath ovmessie laantijste båetieh

16.000 dåaroenïerh luhkienielje laantijste, edtjieh daelvie vearaldisnie haarjanidh. Daelie dah soldath Noerhte-trööndelaagese feeleminie. Dah edtjieh Stïentjesne, Naamsosne, Kråangkesne, Harransne, Tronesne jih Snåasen jaevrien bïjre haarjanidh.

Bïjle raajroe geajnoe mietie

Båetijen hïeljese edtjieh jïjnjh militære bïjlh geajnoej mietie vuejedh, guktie dah guhkies bïjle raajroeh maehtieh geajnojde domhpesjidh. Edtjieh girtieh, haepkiejgujmie girtedh, skovhterigujmie vuejedh jih vïnhtsigujmie mearoe gaedtiem geehtedh.