Les på norsk
Dovddus politihkkár Bjørn Inge mo lea jápmán. Son jámii ruovttustis Gáivuonas sotnabeaivve čuovganeapmái.
Dan duođašta Romssa ja Finnmárkku fylkkagielda odne.
Mo lea guhká bargan politihkas ja lei Romssa Bargiidbellodaga jođiheaddji jagiin 2005 gitta 2014, ja sámediggeáirras jagi 2017 rájes.
Mo lei Gáivuona sátnejođiheaddji jagiin 2003 gitta 2015.
– Midjiide lei šohkka gullat Bjørn Inge Mo vádjoleamis. Romsa ja Finnmárku lea massán čeahpes politihkalaš jođiheaddji. Son beroštii olbmuin dan sadjái go iežas áššiid čuolahit fylkkas ja riikaoasis. Sus lei álo áigi deaivvadit buohkaiguin geat háliidedje suinna leat sáhkalagaid.
Dan celket fylkkasátnejođiheaddji Tarjei Jensen Bech, fylkkaráđi nubbejođiheaddji Ronald Wærnes ja Romssa Bargiidbellodaga jođiheaddji Nils Ole Foshaug oktasaš cealkámušas.
Sii lasihit:
– Son guldalii dan mii olbmuin lei váimmus. Su ledje álo buorit rávvagat. Bjørn Inge Mo oinnii álo olbmo vuosttasin. Nuorra dahje boaris, beroškeahttá tittelis dahje vearrodieđuin. Go lei deaivan Bjørn Inge Mo de olmmoš muitá su buori miela, čáppa moji, celket fylkkapolitihkkárat.
Min jurdagat mannet Bjørn Inge Mo bearrašii.