NRK Meny
Normal

Båatsoe saemieh tjoereme guhkiem beetnegh vuarteme

Jernbaneverket edtja daelie beetneh-vierhtide, dallah båatsoesaemide maeksedh.

Nordlandsbanen

Nordlandsbanen ruevtie-raajroe jijnjh bovtsh njeervie.

Foto: Ola Helness / NRK

Daelie båatsoesaemieh tjuerieh jijtje beetneh-vierhtieh Jernbaneverkesne ohtsedh, gåessie ruevtie-raajroe bovtsh ruevtie geajnosne njeerveme. Aerebi dellie lij Fylhkeålma dihte gaske- gïete båatsoesaemiej jih Jernbaneverken gaskem.

Øørnege maam båatsoesaemieh guhkiem vuarteme

Båatsoesaemieh tjoereme guhkiem beetnegh vuarteme. Nordlaanten båatsoesaemiej fylhkesiebrien åvtehke jih Voengelh Njaarken sijten åvtehke, Mads Kappfjell tuhtjie daate åajvoeh sjædta.

Mads Kappfjell

Nordlaanten båatsoesaemiej fylhkesiebrien åvtehke Mads Kappfjell.

Foto: Liv Inger Somby

– Manne tuhtjem daate sagke buerebe sjædta. Daan åvteste jis ruevtie-raajroe njeerveme dellie maahta Jernbaneverken gåajka dallah paehperidie seedtedh, Gæbpien Madtse jeahta.

Daate lea privaatereaktoe Jernbaneverket jih båatsoe saemiej gaskem. Daate dorje Jernbaneverket maahta dallah-masten aamhtesem gïetedalledh.

– Ij daarpesjh, gøøkte jallh golme jaepieh beetnegidie vuertedh, seamma-laakan goh daan mearan orreme, Gæbpien Madse jeahta.

Nordlaanten ruevtie-geajnosne, dellie ruevtie-raajroe gellie stoerre tsiehkien bovtsh, fierhten jaepien njeervie. Dej minngemes jeapiej ruevtie-raajroe gaskem 200- 650 bovtsh njeerveme.