NRK Meny
Normal

Máidnasat buohkaid várás

Viimmat leat Asbjørnsen ja Moe álbmotmáidnasat fidnemis sámegillii. Davvi Girji lea álmmuhan dáid máidnasiid jietnagirjin.

Eventyrfigur
Foto: Scanpix / SCANPIX

Issát Sámmol Heatta lea jorgalan Asbjørnsen ja Moe álbmotmáidnasiid

dánskkagielas ja dárogielas sámegillii. Son lea maiddái muitaleaddjin dán jietnagirjjis.

Áigumuš lea ahte jietnagirji galgá leat vuosttaš oassi ráiddus, muitala jietnagirjji doaimmaheaddji Máret Gutnel Sara.

Ođasmahttit sámi girjjálašvuođa

Jietnagirjjis leat oktiibuot 14 máidnasa. Máidnasat leat iešguđegeláganat, ja doaimmaheaddji Sara doaivu dáid leat buohkaid várás.

- Áiggit rivdet, seammá servodatge. Sámi girjjálašvuohta maid ferte čuovvut áiggi. Dasa lassin diehtit ahte ollugat eai leat vel hárjánan dán ođđa čállinvuohkái, sidjiide maid galgá leat buorre fálaldat. Maiddái sámi mánát leamaš jurdagiin ráhkadettiin jietnagirjji. Lea dehálaš seailluhit máinnastan árbevirud, muitala doaimmaheaddji Máret Gutnel Sara.

819 cover.indd

Jietnagirjjis galggašii leat juoga buohkaid várás. Govven: Davvi Girji AS