Álbmotjienasteapmi eamiálbmogiid dohkkeheamis
Australiijalaččat jienastit golggotmánu 14. beaivvi das háliiditgo rievdadit vuođđolága ja dohkkehit aborigiinnaid ja Torres nuori sullohasaid eamiálbmogin.
Dát lea mearrideaddji beaivi eamiálbmogiid vuoigatvuohtadáistaleamis, čállá Reuters.
Stáhtaministtar Anthony Albanese almmuhii álbmotjienasteami dáhtona Adeleide gávpogis gaskavahku. Son gohčoda dán oktii buolvvas liiba ovttastahttit nášuvnna.
– Golggotmánu 14. beaivi lea min áigi ... dat lea min liiba, dajai Albenese illudeaddji álbmogii.
Vuostálastit oaivvildit dát šattašii Australiija demokratiija stuorámus rievdadus historjjás. Dat juogášii australiijalaččaid olmmoščearddaid mielde almmá buoritkeahttá eamiálbmogiid dili, čállá AP.
Les på norsk