Hopp til innhold

Adveantakaleandar 20.12.16: Váldoeŋgel sulastahttá Bob Dylana

Dán jagi adveantakalenandara lea Beate Heide buvttadan NRK Sápmái.

Váldoeŋgel Mikael tevnnet
Foto: Beate Heide

Juovlaruohta smihtten ahte áigun vuolgit Nidarosdomena ipmilbálvalussii ovttas 1500 eará olbmuin, ja vai buohkat galggaimet beassat sisa, čuoččuimet ráiddus.

Čuožžut ráiddus, mearkkaša ahte lea vejolašvuohta oahpásmuvvat ođđa olbmuiguin. Nu lei dán háve maiddá. Sii geat čužžo mu ovddabealde hállagohte váldoeŋgela Mikael birra mii čuožžu allin almmi guvlui. Fertejin jearrat dihte go eanet, ja de ožžon gelddolaš muitalusa:

Nidarosdomena oarjjábeale seainnis, olggumuččas čiegas, čuožžu váldoeŋgel Mikael ja ráđđe. Lea govvačuollu Kristoffer Leirdal guhte lea čuollan bácci. Dán sáhttet buohkat oaidnit iežas čalmmiiguin. Dan man máŋgasat eai dieđe lea ahte váldoeŋgelis lea Bob Dylana ámadadju.

DOUNIAMAG-FILES-SWEDEN-US-NOBEL-LITERATURE

ČUOJAHAN NIDAROSDOMENIS: Go beakkán Bob Dylan lávllui Nidarosdomenis de son fuobmái ahte lei juoga erenoamáš Eŋgelis mii lea doppe.

Foto: KEVIN WINTER / Afp

Váldoeŋgel Mikael lei almmi soahteveaga láidesteaddji, ja jođihii soađi biru ja su vašálaš fámuid vuostá.Ja de lei nu ahte Leirdal sakka hervvošii Bob Dylana, ja erenoamážit Dylana vuostálastima Vietnamasoađi vuostá. Ja dáhpedorpmis bođii Dylan Troandimii doallat konseartta.

Ja go son lei Norggas 2001:s de muitaluvvui Dylanii ahte eŋgelis mii lea Nidarosdomenis lea su ámadadju. Lei vissá čuohcan sutnje!

Ii leat dušše Bob Dylan guhte lea luoikan iežas ámadaju bácciide Nidarosdomena oarjjábealde seaidnái. Son lea okta máŋgasis.

Itgo dovdda Nidarosdomena historjjá, nu go dajat?

Na, dalle it dáidde dan ge diehtit ahte Nidarosdomen lea huksejuvvon ruđain man leat dinen go leat vuovdán goikeguoli.

Dál lea boahtán ovdan ahte maiddá Bergen sáhttá giitit goikeguoli iežas valljivuođa dihte, mis leat ossosat sihke duopmogirkus ja Bergena brukkain, nu ahte mii sáhttit čevllohallat mii geat leat davvin eret.

Publisert
Del på Facebook Del på Facebook Del på Twitter Del på Twitter Del på epost Del på epost

Adveantakaleandar 2016

Mer om: Adveantakaleandar 2016

NRK Sápmi – davvisámegillii

Mer om: NRK Sápmi – davvisámegillii

Mer fra NRK Sápmi

Korte nyheter

  • Ođđasat - Davvisámegillii

    Eanetlohku háliidivččii máttasámegiel nama Innlandet fylkkagildii

    Eanetlohku Innlandet fylkkagieldda fylkkalávdegotti politihkkáriin leat miehtemielas máttasámegiel nammii Sisdajve fylkkagieldda bálddalas namman.

    Dan čuvge Innlandet fylkkagieldda neahttasiiddustis.

    Ášši gieđahallo loahpalaččat fylkkadikki čoahkkimis dán mánu gaskkamuttos.

    Nammaárvalus lea sáddejuvvon gulaskuddamiidda geassemánus. Njeallje gulaskuddanevttohusa bohte:

    Innlandet – Sisdajve

    Innlandet fylke – Sisdajven fylhke

    Innlandet fylkeskommune – Sisdajven fylhketjïelte

    Innlandet fylkkagielddas ja Sámedikkis leat guokte ovttasbargosoahpamuša: váldosoahpamuš ja sierra soahpamuš kulturmuitogáhttemis.

    – Innlandet lea sámi fylka. Sámit leat min eamiálbmot. Sámedikki soahpamuša bokte lea fylkkagielda geatnegahtton ovddidit sámegiela, dadjá Mona Cicilie Stormoen (Bb).

    Les på norsk

    Produksjon av nye vegskilt for Innlandet fylke
  • Ođđasat - norsk

    Flertall for sørsamisk navn på Innlandet

    Flertallet av politikerne i fylkesutvalget i Innlandet fylkeskommune er positive til det sørsamiske navnet Sisdajve på Innlandet.

    Det opplyser Innlandet fylkeskommune på sin nettside.

    Saken skal endelig behandles i fylkestingsmøtet i midten av desember.

    Forslaget til navn ble sendt ut på høring i juni. Det kom inn fire høringsforslag, og alle støtter de framlagte forslagene, som er:

    Innlandet – Sisdajve

    Innlandet fylke – Sisdajven fylhke

    Innlandet fylkeskommune – Sisdajven fylhketjïelte

    Innlandet fylkeskommune og Sametinget har to samarbeidsavtaler: en overordnet avtale og en egen avtale om kulturminnevern.

    – Innlandet er et samisk fylke. Samene er urfolket vårt. Gjennom avtalen med Sametinget har fylkeskommunen forpliktet seg til å fremme samisk språk, sa Mona Cicilie Stormoen (Ap).

    Loga sámegillii

    Innlandet fylkeskommune
    Foto: Simon Skjelvik Brandseth / NRK
  • Sámediggi - Sametinget

    Cuiggodit doaibmaplána veahkaváldima vuostá

    – Ii leat doarvái konkrehta, dadjá sihke opposišuvnna Vibeke Larsen (Nordkalottfolket) ja Ronny Wilhelmsen (Bargiid Bellodat).

    Bealli sámi nissoniin leat vásihan veahkaválddálašvuođa. Dat boahtá ovdan Saminor 2 dutkamis.

    Dál Sámediggi Norggas lea mearridan mo áigot eastadit veahkaválddálašvuođa boahtte guokte jagi.

    Otne mearriduvvoi makkár doaimmaid Sámediggi áigu dahkat ovddosguvlui ahte buoridit dili dáidda geat leat vásihan ja vásihit veahkaválddálašvuođa.

    Ráđđeláhttu Juhána Biera Biret Márjá čilge ná:

    – Das leat olles logi čuoggá, dan min doaibmaplánas. Dat sisttisdoallá visot diekkár movt galgá dustet iešguđet hástalusaid dan veahkaváldimis, dadjá son.

    Vaikko buot áirasat Sámedikkis leat ovtta oaivilis ahte veahkaválddálašvuođa ferte hehttet, de šattai gárra digáštallan go Sámediggi mearridii maid doaimmaid bidjala johtui.

    Opposišuvdnaáirasat Vibeke Larsen ja Ronny Wilhelmsen eaba lean duđavačča mearrádusain:

    – Mu mielas plánas ledje dievva ieščilgejeaddji áššit, ja unnán konkrehta doaimmat, dadjá Larsen (Nkf).

    – Min mielas ii lean doarvái konkrehta. Mat čužžot das eai sáhte mihttiduvvot, eai leat áigemearit goas diŋggat galget leat dáhkkon. Jus geahčat mo doaibmaplána galgá leat, de ii leat nie, dadjá Wilhelmsen NRK:ii.

    Eanetlogu bealis NSR áirras Maren Benedicte Nystad muitala ahte sii leat lasihan čuoggáid doaibmaplánii.

    – Mii leat earet eará bidjan olu fuomášumi dan easttadanbargui. Ahte ferte álgit árrat mánáid ja nuoraiguin. Mii leat maid bidjan fuomášumi ahte mii darbbašit eanet rabasvuođa, oainnat go dat sáhttá dan stigma, dan ášši birra, dahje daid tabuaid leat mielde eastadeamin vai soitát eambosat ožžot veahki, dadjá Nystad (NSR).

    Muhto Wilhelmsen oaivvilda ahte eanetlohku eai váldde vuhtii árvalusaid eará bellodagain.

    – In sáhte eará go šállošit go eai guldal opposišuvnna vai eanetlogu fitnet máŋga dehálaš áššiin sámi servodahkii. Nu go mun oainnán, de sii leat kompromissakeahtes eanetlogus eambo ja eambo áššiin maid dušše háliida vuojihit, dadjá Bargiidbellodaga joavkojođiheaddji.

    – Dat lea dieđusge nu ahte mii leat Sámediggeráđis ovttasráđi hálddahusain bargan dáinna plánain hui guhkká ja hui duođalaččat. Ja dat lea dieđus munnje hui ártet gullat de dan ahte dát plána ii leat buorre. Dieđusge olbmuin iešguđet oaivilat, vástida sámediggeráđđi Juhána Biera Biret Márjá.

    Ronny Wilhelmsen
    Foto: Jørn Østby / NRK

Langlesing

Tur i kautokeino

Samiskkurs trekker unge til Kautokeino
Sami gamers og gamingrom

Vuordán speallanlánja 12 jagi – dál besset ovttas hárjehallat 🎮

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen