Buohkat dáidet leat gullan juovlaevangeliuma birra. Dán oanehis muitalusa man gávdnat evangelistta Lukasis, nuppi kapihttalis. Doppe čuožžu oanehis muitalus, muhto lea guovddáš muitalus kristtalašvuođas.
Márjá lei buhtesnieida gii lea sullii 13 jagi, go riegádahtii iežas vuosttašriegádan máná, giesai su ja bijai su krubbái. Maŋŋá riegádahttima bohte nuorra pára lusa guođoheaddjit ja sii muitaledje Márjái ahte almmi eŋgelat ledje muitalan áiddo riegádan máná birra. Ja de čuožžu čállojuvvon «... ja vurkii visot váibmosis ja guorahalai dan».
Lean álo smiehttan dán cealkaga birra go juovlaevangeliuma lea lohkkon. Lea oalle erenoamán ahte Luhkas čállá nissonolbmo perspektiivvas measta 2000 jagi áigi, go dalle ii lean álgage dábálaš ahte nissonolbmuide addui jietna.
Danne lea dát leamaš munnje čáppa oassi čállagis. Márjjá, buot eanemus dovddus buhtesnieida áiggiid čađa, eatniváibmu dáiddii coahkkit erenoamáš garrasit dán njuoratmánnái mii sutnje bođii nu imašlaš vuogi mielde.
Ii leat ártet ahte eatniváibmui bohte fámut go guođoheaddjit bohte ja muitaledje maid eŋgelat ledje muitalan áiddo riegádan máná birra. Buot eatnit dovdet dovddu ahte lea oavdu-dahkku go mánná gean sii leat guoddán váimmu vuolde riegáda, ja ahte sii viimmat besset dearvvahit su gii lea čiehkádan čoavjjis máŋggaid mánuid.
Mánná ja eadni leaba leamaš symbiosan ja fáhkka leaba earránan. Lea stuorra boddu man áiddo šaddan váhnemat guddet mielde váimmuideaset.
Mis buohkain lea nu ahte muhttin sánit mat daddjojit ságastallamis skádjet min váimmus ja dagahit ahte mii joatkit smiehttat daid birra.
Dat bidjet jurdagiid johtui, ja danne mii vurket daid váimmuideamet. Muhtomin leat sánit nu čábbát ahte mii guoddit daid čikŋan min julki eallima árjjas.
Dat muitala man dehálaččat sánit sáhttet leat, ja makkár mearkkašupmi dain sáhttá leat min eallimiidda. Soaitá don ge muittát muhttin sániid main leamaš mearkkašupmi dutnje?