– Girjerájus sáddegoahtá girjiid

Sámediggi almmuhii suoidnemánus ahte sin rádjosis leat nuvttá oahppaneavvut skuvllaide ja mánáidgárddiide.

Nu mo dál orru tiŋgojupmi, de šaddet sii sáddet 70 proseantta oahppaneavvuin skuvllaide ja mánáidgárddiide, lohká Gaski.

GULDAL: Ohcan oahpponeavvuid

Boares oahppoplána

Vaikko oassi oahpponeavvuin leat álmmuhuvvon juo ovdal 2003, eaige dan dihtii leat heivehuvvon ođđa oahppoplánaide, de leat olu skuvllat ja mánáidgárddit daid diŋgon Sámedikkis.

Áidna gollu maid skuvllat ja mánáidgárddit šaddet máksit, leat sáddengolut oahpponeavvopáhka ovddas.

– Lei fuolastuvvan

– Ledjen árat geassit veaha fuolas, go eai lean boahtán eambbo go guhtta oahppaneavvoohcama Sámediggái. Muhto dál dat han bohtet ođđa ohcamat juohke beaivvi sis geat hálidit girjiid mat leat mis Sámedikke rádjosiin Guovdageainnus.

Muhtin girjjin leat sis hui stuorra lohku nu ahte sii jáhkket ahte oassi dáin báhcá rádjosii, lohká Gaski.