PÅ NORSK:
(Muitaleaddji: Mikkel Andersen Eira)
Mu namma lea Jussen-Ánte Mihkkal, mun orun Suolovuomis. Mun lean dušše gullan dán olbmuin. Dat lea diekko gávccenuppelotčuođi loahpageahčen.
Nu dat lea Beaskáđas. Mun lean dien dušše gullan, muhto mun dat gal dieđan daid báikkiid gokko dat leat. Dat dat gal leat ain dál, dat ruossat ja dat dáhtonat ja... Muhto dat lea Juli/Suoidnemánu loahpas, mun in muitte jur.
Na, de lávejit muitalit, de vulge golbma... golbma olbmo heasttaiguin, hui fiinna dálki. Na, dakko dan heastagearru (heastabálgá) Beaskáđasa badjel ja de šattai nu dálki ahte: Šlahtti ja borga. Ja dat goitge manne ja manne, ja doppe lei dakkár boastaviessu guovdu, na Loavddiidčohka guoras.
Dat okta dat gal jorggihii, dat goalmmát. Ja dat de... ii dat ollen vuopmái ovdal go galbmui ja jámi dien čorrui. Ja das lea namma... dat lea ožžon nama, lea Leahtačorru. Ja das lea dat ruossa ja... ruovderuossa.
Ja duot, dat Wisløffa, dat-dat fas manai dan hyttai/stohpui. Ii hal dat dieđus nu stuora hytta/stohpu leat leamaš: ...dan boastahyttai/stohpui (dat manai). Muhto de eai lean riššat doppe. Dat ii ožžon dola ja jámii. Ii dat lean goit... ii lean goit dolastan go jámii.
Ja dat goalmmát dat-dat manai... Dat-dat náđui dan heastta nala... dat Hermansena máddu. Ja dat-dat manai dat heastta Gargiai. Dat-dat gal ii duššán. Dat lei oainnat sámi... sápmelaš. Dat-dat gal oainnat gierddai veahá eambbo. Ná soite eambbo biktasat maid.
Die dat lei dat... dat lea máŋgii borgán vielgadin dáppe. Nu eatnat muohta, ahte ii leat leaika. Njuoská, bealle duššá.