Guokte ođđa pássakantuvra Romssas ja Finnmárkkus
Ráđđehus lea mearridan ásahit 15 ođđa pássakantuvrra, čájeha stáhtabušeahttaevttohus 2024 ovddas.
Romssas ja Finnmárkkus ásahuvvojit ođđa pássakantuvra Ivgubahtii ja Guovdageidnui.
Dan lohká Romssa stuorradiggeáirras Ivar Prestbakmo (Gb), gii oaivvilda ahte lea leamaš guhkes vuordináigi politiijain.
– Dát lea leamaš hástalussan olbmuide ja danne lea hui dehálaš ja buorre go ráđđehus fuolaha ahte politiijat dál leat čađahan ollu doaibmabijuid buoridan dihtii politiijaid vejolašvuođaid ráhkadit pássaid, lohká Prestbakmo.