Sån A-juohkusij dalága bæssá, dav de iv åvvå iehpeda, javllá Medkila hárjjidalle.
Foto: Arnt Børge Trane– Miján le stuorra miella suv diek oadtjot, javllá Medkila IL hárjjidalle Arnt-Børge Trane.
Adrian Mikkelsen Divtasvuonas lij Harstad ILa siegen tjiektjamin ja hárjjidallamin, ja dá vahko la sån Medkila ILa åvdås tjiektjamin. Goappátja sihtaba suv.
– Iv la ájn mierredam jus galgav joarkket tjiektjamin, valla jáhkáv avta jali guok vahko birán mierreduvvá gåktu boahtteájggáj sjaddá.
– Stuorra miella Adrianav diek oadtjot
– Soaptsov dálátji Harstádan, subtsas Mikkelsen.
Foto: Arnt Børge TraneVásse lávvodagá tjievtjaj ja hárjjidaláj Mikkelsen Medkila ILa siegen.
– Miján le stuorra miella Adrianav diek oaddjot. Juo dálla vuojnnep sån riek buoragit mijá siegen hiehpá, sujna la tjajmos ja buorre miella. Sån A-juohkusij dalága bæssá, dav de iv åvvå iehpeda, javllá Medkila ILa hárjjidalle.
Harstad ILa hárjjidalle Tor Arne Jakobsenin sávvá Mikkelsen avta Harstada tjæktámjuohkusij lusi vállji boahtet.
– Adrian la duodalasj nuorra gut åvddånahttet sihtá. Sujna li juo Bodø/Glimtas åtsådallama ja le Stájgo A-juohkusa åvtås tjiektjam. Vájku le nav nuorra de li sujna ållo buorre åtsådallama, vásstet Jakobsen.
– Mujna ij la sierra barggo jali skåvllå mij muv tjadná sierra saddjáj, dajnas la máhttelisvuohta duov dáv dahkat. Valla iv la ájn mierredam majt dahkat, hiejtet tjiektje Mikkelsen.
