Han kjem frå Los Angeles i USA driv «groovykids» – ein yogaskule for barn.
Greville Henwood kjem frå Los Angeles i USA driv «groovykids» – ein yogaskule for barn.
Foto: Wilhelm Støylen / NRKYogasenteret YamYoga i Ålesund har hyra inn amerikanaren for å halde kurs for barn på skular i regionen. Måndag hadde Henwood tatt turen til Hessa skole i Ålesund for å gi elevane ei innføring i yoga. Filosofien hans går ut på at alle er flinke og har noko å bidra med.
– Alle barn har noko som dei er flinke i, og eg meiner at ingen kan fortelje oss den rette måten og gjere noko på, seier han med eit stort smil.
Høyr heile innslaget her:
Inga konkurranse
Og det er nettopp det som er noko av grunnen til at lærar, Anne- Lin Giskeødegård, har ønska å prøve Yoga i ei skuleklasse.
Lærar Anne- Lin Giskeødegård og Marit Stinesen frå Yogasenteret Yam Yoga i Ålesund.
Foto: Wilhelm Støylen / NRK– Det er ein aktivitet der elevane slepp å konkurrerer eller prestere. Dei slepp å vise at dei er best i noko. Samtidig kan yogaen gi dei tryggleik og meir tillit til seg sjølv, seier ho.
Og elevane i klasse 3B ved Hessa skule synest det var gøy å få prøve yoga i skuletida.
– Eg synest alle var veldig flinke. Sjølv om det var vanskeleg, var det også veldig gøy, seier ein av elevane.
– Vi snudde oss på hovudet og det har eg aldri gjort før. Eg kan godt tenke meg å gjere dette igjen. Det er mykje kjekkare enn å gjere matte på klasserommet, seier ein annan.
- Les også:
Meir yoga i skulen
Rektor på Hessa skole Tore Huse kom inn i gymsalen mot slutten og han er positiv til meir yoga i skuleverket.
– Det er noko vi sjølvsagt må vurdere, men eg trur det er ein fin aktivitet å introdusere til barn, seier han.
Marit Stinesen frå Yogasenteret Yam Yoga trur det kjem til å kome meir yoga i skulen i tida framover.
– Ja, vi tilbyr allereie yoga etter skuletid både ved Spjelkavik og Hessa og vi kjem til å utvide det tilbodet etter kvart som etterspurnaden blir større, seier ho.
- Les også:
