Levande lys skaper ei intim stemning i rommet. Fleire av deltakarane har på seg varme teppe.
– Yoga handlar om å vere til stades i seg sjølv, seier Vibeke Klemetsen.
Ho er ein av dei som har gjort yoga til allemannseige i Noreg dei siste åra. No er ho i Ålesund for å halde workshop i asthanga yoga.
– Vi blir bombarderte med inntrykk frå alle hald. Då har vi behov for å kjenne på pusten og finne senteret i oss sjølve, meiner ho.
– Og eg trur det kan vere nyttig for mange. Eg veit eg blir den beste versjonen av meg sjølv når eg driv med yoga.
Slik gjer du solhelsing a:
Slik gjer du solhelsing b:
– Aukande interesse
Ved senteret i Ålesund har dei merka at interessa for yoga er aukande.
– Vi har alle typar menneske her, seier Marit Kristine Torsdatter Stinessen.
For tre år sidan starta ho opp senteret i lag med mannen sin.
– Vi har fol i alle aldrar og alle fasongar. Og det er ikkje berre enkeltpersonar, men bedrifter skuler og barnehagar som kjem, seier ho
– Vi har kroppar som er i stressmodus heile tida, og det er vi ikkje skapte til. Yoga gjer stressnivået lågare.
Mange typar yoga
Senteret har ulike typar yoga-undervisning. Felles for dei er at det blir lagt vekt på å styrke kjernemuskulaturen i kroppen. Dagens time er av dei meir fysisk krevjande.
– Difor passar den kanskje ikkje for alle, seier Klemmetsen.
– Du kan halde på med det heile livet utan å kome i mål.
– Er yoga trening?
– Ja, absolutt. Eg trenar berre yoga og har ein frisk, sunn og sterk kropp. Men det er klart det er forskjellar på ulike typar yoga.
– Startar dagen med solhelsing
Sjølv startar Stinessen dagen med ei solhelsing. Om det passar seg slik, blir også dagen avslutta med yoga.
Slik er det ikkje hos meg, seier Klemmetsen.
Eg har to små barn som hopper i senga når klokka er halv seks. Men eg prioriterer alltid å trene yoga kvar dag.