- Travis kjem på sunnmørsk spleisefest i sommar

Det som starta som ein spleisefest i fjøresteinane på Giske på Sunnmøre i 2004, har vakse til ein musikkfestival med 20.000 publikummarar. Men Sommerfesten på Giske er framleis ein spleisefest, der ein deler på maten som gjestane tar med seg. I år kjem bandet Travis, som har vunne fleire Brit Awards og har mange kjende hitar.

• Sjekk heile programmet for Sommerfesten på Giske

Største band

– Det blir kjempestort å ha Travis her. Både vi og dei gler oss, seier Ante Giskeødegård. Han er dagleg leiar i Momentium som står bak festivalen.

Han meiner bandet passar fint inn på den sunnmørske spleisefestivalen.

LES OGSÅ:

• Hjertevarm markering mot terror
• Lover mindre kø i år
• Stjerner til Sommerfesten

Gjorde inntrykk

Låtskrivar Fran Healy i Travis besøkte festivalen i fjor, og hadde ei sentral rolle under markeringa av 22. juli. Publikum lyfta raude hjerter mot himmelen, som ei stille støtte til dei omkomne, overlevande og pårørande.

Healy hadde med seg både kone og sonen til Sunnmøre og sa at han ville kome tilbake.

– Det er ein annleis festival og det trur eg fall i smak, seier Giskeødegård.

Publikumstak

I tillegg til Travis kjem også andre kjende artistar som Sivert Høyem, Sondre Lerche, Melissa Horn og Jonas Alaska.

Det er sett eit publikumstak på 20.000 i år.

– Dette er det sterkaste program vi nokon gong har hatt og eg trur mange vil ta turen, seier Giskeødegård.

Baker kaker

Det er en spleisefest der publikum tar med mat, hender det at artistane også deler sin mat?

– Ja, det har faktisk skjedd at artistar har gitt crewet sitt beskjed om å lage mat, ler Giskeødegård. Han understrekar at både Travis og dei andre skal sleppe å bake kake. Dei bidreg nok under festivalen med god musikk.