NRK Meny

Torske: – Framtida er lys

Sunndalingen Jarl Torske held fram i Norges Fotballforbund, sjølv om han no sluttar som assistent-trenar for herrelandslaget.

Jarl Torske

I går var det slutt med A-landslaget for Per Mathias Høgmo og Jarl Torske.

Foto: Grøtt, Vegard Wivestad / NTB scanpix

Torske har vore støttespelar for Per Mathias Høgmo, som i går takka av som landslagssjef. Då blir også det øvrige støtteapparatet skifta ut, og mellom dei altså Torske.

Men Torske har også jobba som fagsjef for gutelandslaga, og det er denne jobben han held fram i.

Jarl Torske, assistenttrener for Norges herrelandslag i fotball, høsten 2015

Jarl Torske har i ei årrekke jobba med norsk fotball - og det arbeidet held fram.

Foto: Ruud, Vidar / NTB scanpix

– Både gutar 17 og gutar 19 har kvalilfisert seg til mellomrunden, og det er veldig mange spennande spelarar også på gutar 15 og gutar 16, fortel Torske.

Desse nivåa får ikkje same fokus som seniorane, og der har ikkje akkurat merksemda vore særleg positiv etter kvar som resultata har uteblitt.

– Elendigheitsbeskrivinga av norsk fotball avviser vi difor sterkt, seier Torske.

Klar og tydeleg, men samtidig med latter i røysta. For han meiner etterveksten er god i norsk fotball, og seier vi har mykje å gle oss til i åra som kjem.

– Det er veldig mykje bra på gang!

Siste video/lyd

Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.
Eit heilt spesielt forskingsprosjekt er i gang ved Runde i Herøy. Aldri før er det gjort ei så stor undersøkning med bruk av ny teknologi langs kysten for å kartlegge øko-miljøet. Målet er mellom anna å finne ut kvifor bestanden av toppskarv og lundefugl går så kraftig ned.