I tillegg toppar 29-åringen også lista over dei i Noreg med størst formue. Ifølge skattelistene hadde han i 2021 ei formue på 19.796.945.077 kroner og ei inntekt på 1.207.825.884. Han toppar også lista over dei som skattar mest.
Gustav Magnar Witzøe er mest kjent som arving til sjømatselskapet SalMar som faren hans etablerte i 1991.
Witzøe eig i dag store deler av aksjane i det børsnoterte selskapet. 29-åringen jobbar også som modell.
Her er heile lista:
Dei rikaste under 30
Andresen-søstrene kjem etter Gustav Magnar Witzøe på lista over Noregs rikaste under 30.
Dei er døtrene til finansmann Johan H. Andresen. Alexandra og Katharina Gamlemshaug Andresen er femte og sjette generasjon eigarar i familieselskapet Ferd.
Familien eigde tidlegare Tiedemanns Tobaksfabrik, og Johan H. Andresen blir av og til omtalt som «tobakksarvingen». Familien selde seg ut av tobakksindustrien i 2005.
Alexandra Gamlemshaug Andresen står også oppført som innehavar av Evje Gård.
Etter dei kjem Norgesgruppen-arvingane Karl Edvard, Finn Hartvig og Peder Oskar Johannson. Dei har alle ei formue på rundt to milliarder kroner. Alle dei tre står oppført som styremedlem i kvart sitt investeringsselskap.
Nummer sju på lista er Knut Fredrik Natvig Aspelin. Han er son av Knut Gustaf Aspelin som er medeigar og styreleiar i eigedomsselskapet Aspelin Ramm. Natvig Aspelin er også registrert som styremedlem i fleire investeringsselskap.
Etter han kjem Christian Ringnes jr., som har ei formue på 747.705.406. Han er son av son av forretningsmannen og kunstsamlaren Christian Ringnes. Ringnes jr. står også oppført som dagleg leiar av selskapet Sporty App AS.
På dei to siste plassane kjem brørne Mathias og Henrik Varner. Dei er sønene til Marius Varner. Han er administrerande direktør i det familieeigde kleskonsernet Varner-Gruppen.
Varner består av motekjedene Bik Bok, Carlings, Cubus, Dressmann, Dressmann XL, Junkyard, Volt og Levi’s Store. Dei har butikkar i Noreg, Sverige, Finland, Danmark og Island.