Får kommunikasjonspris etter arbeidet med drapssaka i Ålesund

Politiadvokat Yngve Skovly blei mannen i politiet som måtte fortelje om saka. Han leia etterforskinga, og var tilgjengeleg for media både der etterforskinga gjekk føre seg, på politistasjonen og på dei mange pressekonferansane.

– Vi set pris på å få slike utmerkingar. Det viser at vi lukkast med det vi var ute etter i denne samanhengen, nemleg å vere mest mogleg opne ved å gje publikum informasjon. Dette var ei sak som berørte heile byen. Folk ville vite kva som skjedde, og dei hjelpte oss også heile tida, seier Skovly til NRK.

• Les også: En kvinne er funnet død på Aksla i Ålesund

– Telefonen sto ikkje stille

Yngve Skovly seier til NRK at politiet ønskte å gå ut med så mykje informasjon som råd, og at dei skulle vere mest mogleg tilgjengelege. Han seier at presset på dei involverte var stort.

– Det var stor tilstrøyming av mediefolk, og det var stor interesse kring denne saka. Telefonen sto ikkje stille. Det var spørsmål frå media heile tida. Vi var også avhengige av å få inn tips. Då må vi vere tilgjengelege heile tida, seier Skovly.

• Les også: Høgskolerektoren: – Veldig trykket stemning
• Les også: Skremte naboer: – Folk er helt sjokkerte

– Avhengige av media

Yngve Skovly seier at politiet bestemte seg for å ha ei open linje i saka med ein gong dei skjønte at dei sto overfor ei drapssak med ukjend gjerningsmann.

– I ei slik sak treng vi å få inn så mykje informasjon som mogleg. Då er vi avhengige av media og publikum, seier Skovly.

• Les også: Mann pågrepet for drapet på Anja etter DNA-treff
• Les også: Venninne av Anja: – Det blir aldri glemt

– Gløymer aldri

Drapet på Anja Weløy Aarseth gjorde eit djupt inntrykk på alle i området, og også ut over heile landet. Også politiet sit att med sterke inntrykk.

– Dette er ei sak eg aldri kjem til å gløyme. Dette er slett ikkje noko daglegdags. Og det berører alle, seier Skovly.

– Blei du overraska over å få prisen?

– Ja, det må eg seie. Eg hadde ikkje høyrt om denne prisen før. Og det er jo ikkje slik at vi har hatt denne prisen i tankane under arbeidet vårt. Vi var interesserte i å gje publikum informasjon, seier Skovly.