– No har me dei same funksjonane som me hadde tidlegare, berre at me har eit vesentleg større og ombygd areal, seier politistasjonssjef Per Karstein Røv og ynskjer publikum tilbake til politistasjonen.
– Me har no to kontor for kriminalvakta kvar publikum kan møte og forklare seg eller melde saker, seier han.
- LES OGSÅ:
Fleire passkioskar
POLITISTASJONSSJEF: Per Karstein Røv er sjef ved Molde politistasjon og ynskjer no velkomen til gjenopna politistasjon.
Foto: Gunnar Sandvik / NRK
UTBYGGING: Slik såg det ut ved Molde politistasjon under utbygging.
Foto: Gunnar Sandvik / NRKEtter at jobben med å utbetre politistasjonen dei siste månadane har blitt gjort, så vil politistasjonen igjen kunne hjelpe til med å fornye pass, og det med større kapasitet enn før.
– Me har to passkioskar per i dag. Me håpar på å få montert ein tredje kiosk også, slik at me då kan betene pass, utlendingssaker og forvarslingssaker i tre luker, seier Røv.
– Me håpar på å kunne ta imot publikum på ein god måte med eit ombygd bygg. Me har god ventilasjon og gode arbeidsforhold både for tilsette og for publikum, så det er godt å invitere publikum attende, seier han.
Står att arbeid
Det står att framleis arbeid på politistasjonsbygget i Molde, og når dette arbeidet er ferdig skal det vera endå betre plass.
– No er alle seksjonane og einheitane attende her på stasjonen, og det under litt andre og meir kummerlege arbeidsforhold når alt er ombygd, seier Røv.
– Det er nybygget og ordensavdelinga som står att, og det står ferdig i september, seier han.
