Auka nedbør i går har ført til at rørslene i fjellpartiet har auka igjen, til opp mot 2,5 centimeter. Dette er betydeleg større enn onsdag og torsdag.
– Det treng ikkje vere noko førevarsel om at det er noko større på gang, for steinsprang og mindre ras i dette området er nokså vanleg, seier geolog Einar Anda.
Men NVE opprettheld raudt farenivå for fjellpartiet, og det skuldast altså at det sidan i går kveld har kome nokså mykje nedbør i området.
– Det er venta mykje regn i dag også, men ikkje ekstremnedbør, seier Anda.
Tre små smell blei registrerte rundt klokka 23.30 i går kveld, i tillegg til eit ras som varte i om lag 15 sekund. Ved 04.30-tida i natt blei det dessutan registrert eit steinsprang til.
Farenivået ved fjellpartiet i Rauma har no vore raudt i fem dagar, og 11 personar som bur i området er framleis evakuerte.
I den siste rapporten klokka 15.00 melder NVE at rørslene i fjellet er like stor som tidlegare på dagen, og at det er venta mindre nedbør enn først meldt i området.
Se direkte frå Mannen her:
- Les også:
- Les også: