Tine fekk tidlegare i vår utarbeidd ein rapport som viste at selskapet kunne spare 70 millionar kroner dersom dei endra produksjonen. Eitt av tiltaka for å kome i mål var å leggje ned meieriet i Ørsta.
Men i dag er forslaget førebels skrinlagt.
– Nei, det syns eg er kjempebra. Vi har mulegheiter framover for å kunne utvikle nye produkt, i tillegg til at vi kan ha fleire andre typar produkt, seier tillitsvavld Lizz Trine Hegdal Amoroso, og legg til at gleda har ein viss bismak, sidan kollegaene i Hardanger no misser arbeidet.
Les også:
Skal spare 69 millionar årleg
Tine sende onsdag ettermiddag ut ei pressemelding der dei skriv at dei no vil gjennomføre endringar som medfører årlege kostnadsreduksjon på 69 millionar kroner.
- Meieriet i Hardanger blir lagt ned, og all kremostproduksjon samla i Ørsta.
- I tillegg blir brunostproduksjonen i Elnesvågen i Fræna og Ørsta flytta til andre meieri.
- Elnesvågen blir bygd om til produksjon av skorpefri ost når produksjonen av Jarslberg for eksport sluttar, truleg rundt 2020.
Usikker framtid
Tine har tidlegare varsla at Jarlsbergosten ikkje lenger skal produserast i Fræna, fordi selskapet vil flagge ut produksjonen. Dette har vekt sterke reaksjonar.
Heller ikkje i Ørsta er dei sikre på korleis framtida blir. Amoroso vedgår at arbeidsplassane ikkje er berga for alltid.
– Nei, det er vanskeleg å seie, men ei god stund vil det nok bli.