Søndag 18. oktober er det klart for årets TV-aksjon på NRK. Denne gangen er det Regnskogfondet som skal få pengane.
Siv Katrin Ulla i Ålesund Frivilligsentral, var ansvarleg for arrangementet på Terminalen i Ålesund, og fortel at dei blant anna ville sette fokus på miljøet, samtidig som folk kunne finne seg ein gjenbruksskatt eller to.
– Vi prøvde å tenke kva vi kunne gjere opp imot miljøet i Ålesund her og no, og bestemte oss til slutt for å arrangere eit gjenbruksmarknaden. Vi lever i eit forbrukarsamfunn og meiner det er viktig å sette fokus på gjenbruk, og at ein kan bruke ting opp att, seier Ulla.
- Les også:
Skape merksemd rundt årets aksjon
Nærare 30 personar hadde møtt opp på Terminalen i Ålesund for å selje alt frå vesker, kle og sko til måleri, bøker og bestikk. Seljarane fekk sjølv behalde utbyttet frå det dei selde.
Om lag 30 personar selde varer under gjenbruksmarknaden.
Foto: Silje Bjerknes / NRK– Om nokon vil donere pengar til Regnskogfondet kan dei gjere det, men dette arrangementet var først og fremst eit tiltak for miljøet og eit ledd for å skaffe fleire bøssebærarar, seier Ulla.
Formålet var å skape merksemd rundt årets TV-aksjon, fortel ho.
– Vi har eit mål om full bøssebærardekning i Ålesund. Vi treng om lag 400 bøssebærarar, og vi har langt igjen til målet, seier Ulla.
- Les også:
– Ålesundarane er tradisjonelt treige til å melde seg
Mange tok turen innom gjenbruksmarknaden på Terminalen i Ålesund laurdag.
Foto: Silje Bjerknes / NRKSå langt er det nærare 100 personar som har meldt seg som bøssebærar søndag 18. oktober, dermed manglar det om lag 300 frivillige.
– Folk i Ålesund har tradisjonelt vore ganske treige til å melde seg som bøssebærarar. Det brukar som regel å ordne seg i siste liten, men det er sjølvsagt veldig kjekt når folk melder seg i god tid, seier Ulla.
Og oppmodinga frå Ålesund Frivilligsentral var klar:
– Vi treng fleire bøssebærarar. Gå inn på blimed.no og meld dykk no, seier Ulla.
- Les også:
