NRK Meny

Klaga på brot på heilagdagsfreden

Oftast gjeld klagene plenklipping eller hagearbeid. Men i dag måtte politiet be eit firma om å stanse arbeidet på ein byggeplass i Giske etter klager frå naboar som meinte heilagdagen blei forstyrra av støy.

Artikkelen er mer enn to år gammel.

– Meldinga kom til oss like før klokka halv ni, seier operasjonsleiar Kenneth Sætre ved Sunnmøre politidistrikt.

Han seier det ikkje er ofte dei får klager på firma, men at naboane i dette høvet klaga på det dei meiner er gjentakande og langvarig støy. Byggeplassen ligg i eit bustadfelt på Valderøya.

– Vi fekk kontakt med dagleg leiar i firmaet, og han har lova at dette ikkje skal skje igjen. Så her har det nok skjedd ein glipp, seier Sætre.

Oftast plenklipping

Sætre vil ikkje meine noko om korvidt folk flest er klar over kva som er lov og ikkje lov på søndagar og heilagdagar.

Han seier klagene som kjem til dei oftast kjem på fineversdagar, og at dei då gjerne handlar om at folk klipper plenen når andre vil ha ro.

– Det er jo slik at det er reglar som alle må forhalde seg til. Så eit godt råd er å ta omsyn til naboen din og ha ein god dialog. Slik kan det meste løyse seg på ein god måte.

Siste video/lyd

Mange geitebønder i landet vil ha den elektriske geiteklaven til Gjemnesbedrifta Nofence. Produksjonen pågår for fullt, men geiteklaven er enno ikkje godkjend. Gründerbedrifta treng beitesesongen 2017 for å gi Mattilsynet dokumentasjonen dei krev.
Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.