No er heile vegen opna

I førre veke opna vegen mellom Trollstigplatåen og Valldal. Svingane har til no vore stengt på grunn av skredfaren frå Bispefonna.

No blir det også lov å køyre dei kjende svingane mellom platået og Åndalsnes. Vegen har vore vinterstengt fram til no. Og dei som stod først i køen då svingane blei opna onsdag var venninnene Patricia Schowwe og Victoria Strothmann.

Har jubileum

Dei siste to åra har strekninga opna tidlegare enn vanleg. I fjor opna strekninga 13. mai og i 2014 opna vegen rekordtidleg. Då kunne første bilist køyre heile vegen allereie 8. mai. Det var den tidlegaste opninga sidan 1991. Den seinaste opninga i løpet av dei siste 16 åra skjedde 6. juni 1997.

I år er Trollstigen 80 år og turistsjef i Rauma, Hilde Gråberg Bakke, delte onsdag ut informasjonsmateriell til dei første bilistane.

I slutten av april brøyta Statens vegvesen Trollstigen. Sjå den spektakulære brøytevideoen her.