Komiteen har behandla helseminister Bent Høie si handtering av sjukehusstriden i Møre og Romsdal. I tillegg til kritikken som blir retta mot statsråden, får altså styret i Helse Midt-Norge kritikk.
Les hele rapporten fra Stortingets kontroll- og konstitusjonskomite her.
Sterkast er kritikken mot praksisen der styret sine medlemmar har møttest i lukka møter, trass i at lova seier at styremøte skal vere opne. Strand seier dei no må gjere endringar.
– Eg har lagt til grunn at vi har gjort dette innanfor rammene av lova. Men på bakgrunn av kritikken er det naturleg å sjå på praksisen vår, slik at vi jobbar i tråd med intensjonen i lova i framtida.
- Les også:
Skal vere tydelegare
Også kommunikasjonen mellom Helse Midt-Norge og Helse Møre og Romsdal har vore tema for komiteen. Mellom anna har komiteen stilt spørsmål rundt i kva grad det har vore sendt instruksar nedover i systemet. Også her vil Strand ha ein gjennomgang av rutinane.
– Vi ser at det også er retta kritikk mot måten vi har kommunisert mellom helseføretaka, så her er det behov for å gå igjennom samhandlinga oss i mellom og korleis vi skal utøve av eigarstyring.
- Les også:
- Les også:
– Det blir også påpeikt kritikkverdige forhold rundt handteringa av avgangen til tidlegare direktør Trond Michael Andersen, kva er din kommentar til det?
– Det var før mi tid som styreleiar, så det har eg ingen kommentar til.
Skal sjå på endringar med ein gong
Strand seier styret skal gå igjennom rapporten i neste møte og at alle føretaka i regionen skal ha ein felles gjennomgang.
– Det som er viktig for oss er å sikre at vi får lik praksis i heile organisasjonen, seier Strand.
– Råkar denne kritikken deg og styret?
– Det er jo forhold her som vi må vurdere, men vi har altså etter beste evne prøvd å halde oss innanfor dei rammene som lova set.
Han er ikkje overraska over kritikken.
– Det meste av dette har jo vore kjent sidan høyringa, så det var vel ikkje heilt uventa at det ville vere kritikk på desse punkta.