NRK Meny
Ålesund tinghus
Foto: Harry Heggdal / NRK

Grov mishandlingssak for retten

Oppsummert

Fem menn er tiltalte for å ha trua ein mann til å valdta seg sjølv med ei flaske, og slå seg med ein hammar. Deler av tiltalen er tatt ut på ordre frå riksadvokaten. Rettsaka går i månadsskiftet juni/juli 2018.

  • Rettssak startar i dag

    I dag starta rettssaka mot ein mann i 40-åra frå Romsdal, som er tiltalt for grov mishandling av ein annan mann i fjor sommar. Ifølgje tiltalen skal 40-åringen ha brote seg inn heime hos offeret og trua med å drepe han medan han heldt ein machete mot strupen hans. Begge dei to mennene sit på tiltalebenken i slutten av juni når retten skal behandle påstanden om at fem menn i fellesskap skal ha tvinga ein sjette mann til å valdta seg sjølv med ei flaske.

  • Forlenga varetekt

    Den antekne hovudmannen i ei svært grov valdssak er fengsla på nytt fram til rettssaka i slutten av juni. Det går fram av ei rettsavgjerd frå Sunnmøre tingrett. Retten meiner mellom anna at det er ei konkret og reell fare for at mannen vil kome til å påverke vitne dersom han blir lauslaten. Romsdalsmannen og fire andre er mellom anna tiltalte for å ha trua ein mann til å valdta seg sjølv med ei flaske i jula i forfjor, og riksadvokaten, som har tatt ut tiltalen, omtalar valdtekta som spesielt grov.

  • Femtemann også tiltalt

    Til saman fem menn er no tiltalte for å ha trua ein sjette til å valdta seg sjølv med ei flaske. Nyleg blei det kjent at fire menn skal ha gått saman om mishandling av ein mann, men no har statsadvokaten tiltalt ein til. Saka mot dei fem kjem opp for retten i månadsskiftet juni/juli.

  • Dømt for innførsel av amfetamin

    Ein mann i 30-åra er dømt til fengsel i tre år og 10 månader for å ha innført nesten to kilo amfetamin til landet. Han er også dømt for å ha gøymt over eitt kilo på byfjellet Aksla i Ålesund tidlegare på året, og for oppbevaring og sal av store mengder hasj. Ifølge domen skulda mannen på den no avdøde sambuaren sin, og hevda mesteparten av stoffet var hennar. Mannen er ein av dei fire som er tiltalt i ei mishandlingssak der ein mann skal ha blitt trua til å voldta seg sjølv med ei flaske.

  • Mishandling og truslar

    Ein mann i 40-åra frå Romsdal er tiltalt for mishandling og drapstruslar mot ein annan mann. Han skal også ha trua med å drepe og valdta sambuaren hans. I fjor sommar skal han ha tatt seg inn i huset deira og halde ein machete mot strupen til mannen, medan han trua med å drepe han. Begge mennene er tiltalte i ei mishandlingssak der ein mann skal ha blitt trua til å valdta seg sjølv med ei flaske.