NRK Meny
Ålesund tinghus
Foto: Harry Heggdal / NRK

Grov mishandlingssak for retten

Oppsummert

Fem menn er tiltalte for å ha trua ein mann til å valdta seg sjølv med ei flaske, og slå seg med ein hammar. Deler av tiltalen er tatt ut på ordre frå riksadvokaten. Rettsaka gjekk i slutten av juni 2018.

  • Ba om 850 000 kroner i erstatning

    Bistandsadvokat Tone Norderval ba om 850 000 kroner i erstatning etter at ein mann skal ha blitt trua til å valdta seg sjølv med ei flaske. Ho seier klienten hennar frykta for livet etter at han skal ha blitt mishandla gjennom ei heil natt av fem menn. Aktor la torsdag føremiddag fram påstand om fengsel i 7 1/2 år for han som er rekna for å ha vore mest aktiv i saka.

    Bistandsadvokat Tone Agnes Norderval
    Foto: Synnøve Hole
  • Ba om 7 1/2 års fengsel

    Aktor Jogeir Nogva ba om fengsel i 7 1/2 års fengsel for han som er rekna for å ha vore mest aktiv i ei grov valdssak som går i Romsdal tingrett denne veka. Aktor vil ha mellom 1 1/2 og over 6 års fengsel for dei fire andre. Fem menn er tiltalte for mellom anna å ha trua ein mann til å valdta seg sjølv med ei flaske i jula i forfjor. Den fornærma skal ha kome i unåde i miljøet, og skal ha blitt halden innesperra og mishandla gjennom ei heil natt.

  • Ber om over 6 års fengsel

    Aktor Jogeir Nogva ba om 6 år og 2 månader for han som er rekna som hovudmannen i ei grov valdssak som går for Romsdal tingrett denne veka. Fem menn er tiltalte for mellom anna å ha trua ein mann til å valdta seg sjølv med ei flaske i jula i forfjor. Den fornærma skal ha kome i unåde i miljøet, og skal ha blitt halden innesperra og mishandla gjennom ei heil natt.

  • Skal ha blitt trua på livet

    Sunnmørsmannen som bestemte seg for å legge korta på bordet i ei grov mishandlingssak skal ha blitt trua på livet etter at han gjekk til politiet. Onsdag forklarte familievernskoordinator Evelyn Røren i politiet seg i retten, og sa at grove truslar i ettertid har ført til at mannen og kjæresten gjentekne gongar har bedt om ny identitet og adresse. Tidlegare i år skal slektningar til mannen ha blitt kontakta av ein kriminell MC-klubb med krav om at han trekte forklaringa si i rettsaka som går for Sunnmøre tingrett denne veka.

  • Tidlegare dømd for torpedoverksemd

    Mannen som er rekna for å vere hovudmannen i ei grov mishandlingssak vedgjekk i retten i føremiddag at det var han som trua den fornærma til å valdta seg sjølv med ei flaske. Romsdalingen i 40-åra sa dette skjedde for å skræme han kraftig. I 2003 blei han dømt til fengsel i to og eit halvt år for torpedoverksemd, og for å ha halde ein mann fanga i dagevis medan han blei mishandla grovt. Han har også fleire grove narkotikadommar, den siste blei avsagt tidlegare denne veka.