I ettermiddag skulle styret i helseføretaket evaluerere sitt eige arbeid, og hadde bestemt seg for at dette skulle skje bak stengde dører. Dette vekte sterke reaksjonar i pressa som gjerne ville dekke møtet.
Styreleiar Stein Kinserdal blei usikker på om det var lovleg å stenge styremøtet for pressa-
Foto: Øyvind Johan Heggstad– Vi ønskte i utgangspunktet at møtet skulle gå for stengde dører, men fordi det blei uklart om vi hadde heimel i lova til å gjere det, valde vi i staden å utsetje møtet, seier styreleiar Stein Kinserdal til NRK.
Kinserdal seier han er klar over at helseføretaket kan tape omdøme dersom møtet blei stengd utan at det var dekning for det i lova.
Juridisk hjelp
Helseføretaket hadde i utgangspunktet grunngitt stenginga av møtet med at dei må ta omsyn til personvern. Dei viste til Helseføretakslova som har ein unntaksparagraf for at styret skal kunne gjere intern vurdering av eige arbeid. Føretaket opplyste før møtet også at det er styret sjølv som avgjer om møta deira skal vere stengde eller ikkje.
Fleire media protesterte på stenginga av dørene, og det var styreleiar Kinserdal som sjølv sette fram forslaget om å utsetje heile møtet.
No vil det lokale helseføretaket søke juridisk hjelp hos juristane i Helse Midt- Noreg for å få avklart om det vil vere brot på Helseføretakslova å stenge pressa ute når styret skal evaluere sitt eige arbeid.
Kritikk
Helse Midt-Noreg har sjølv fått kritikk for manglande openheit tidlegare i sjukehusprosessen.
På to måneder møttes dei ni styremedlemmene i Helse Midt-Norge ti ganger. Sju av de ti møta var stengde for offentligheita.
Det planlagde ordinære styremøtet går som planlagt av stabelen i morgon.
- Les også:
- Les også:
