Dette «klikka» vi på i 2012

Her er sakene som publikum «klikka» på i 2012. På klikketoppen hamnar stort sett saker som publikum også utanfor Møre og Romsdal viser interesse for. Dramatikk blant høge fjell, frekke sexartiklar og nære historier om menneske vi kan identifisere oss med fører til høge lesartal.

Bla deg nedover sida. Klikk på lenkjene. Då får du ta del i det som lesarane våre tykte var mest klikkverdig i 2012.

Uheldig turnar fall rett i stupet

Produksjonen av programmet «Normal galskap» førte til den største nettsuksessen frå Møre og Romsdal i 2011. Om lag 100.000 lesarar kasta seg over artikkelen.

Turnaren og basehopparen Richard Henriksen skulle svinge seg i svingstonga på kanten av fjellet i Eikesdalen. Stanga lausna og Henriksen stupte ned fjellsida.

Artikkelen blei publisert 13. august.

• Les artikkelen om dramaet på det 1200 meter høge fjellet

Det har skjedd før og det vil skje igjen

Dramatiske bilete vekkjer oppsikt på nettet. Denne gongen var det eit tillaga og urealistisk bilete som vekte oppsikt. Biletet er henta frå forarbeidet til Noregs første katastrofefilm, «Bølgen».

12. januar kunne NRK Møre og Romsdal fortelje at selskapet «Fantefilm» arbeider med planar om denne filmen, og ville søkje om produksjonsstøtte.

• Les artikkelen om «Bølgen» og om reaksjonane på planane

Folk har blitt langt frekkare

Sex ser framleis ut til å «selje» på internett. Og i butikkane som sel sexleiketøy går omsetnaden raskare enn nokon gong, om ein skal tru på historia som NRK Møre og Romsdal kom med i november.

I artikkelen blir det hevda at folk er blitt frekkare med åra.

• Les om utviklinga i sex-leiketøy-bransjen her

– No har vi verken bil eller papir

I slutten av september blei det eit ublidt møte mellom ei gruppe rumenarar og lokalbefolkning i Ørskog. Folk frå Ørskog meinte at rumenarane var tjuvar, og ville setje ein stoppar for aktiviteten deira. Enden på visa blei at bilen til rumenarane blei fullstendig knust.

Dei involverte partane hadde noko forskjellig framstilling av det som skjedde.

• Les heile den dramatiske historia her

Hødd med sensasjonell cupsiger

25. november 2012 vil for all tid vere ein merkedal i Ulstein. Hødd sørgde for ei av tidenes cupbomber då dei slo storfavoritt Tromsø i cupfinalen, etter straffekonkurranse.

NRK Møre og Romsdal hadde ei brei dekning av folkelivet i hovudstaden cupfinalehelga, sjølve cupfinalen og av feiringa i Ulstein då sigeren var eit faktum.

• Gjenopplev cupfinalestemninga her

– Dei fleste menn er ikkje eigna til å ta seg av born åleine

Kontroversielle utsegner vekkjer oppsikt. I januar tok NRK Møre og Romsdal utgangspunkt i utsegner frå den svenske professoren Annika Dahlstrøm. Ho meiner at det kan vere direkte skadeleg for barna om fedrane tek seg av små born åleine.

Artikkelen vekte stor diskusjon og mykje aktivitet i kommentarfeltet.

• Les dei oppsiktsvekkjande utsegnene og reaksjonane her

– Må kome meg vidare i livet

I april opplevde mange harde dagar, då rettssaka etter terrorhandlingane i Regjeringskvartalet og på Utøya tok til. Dagen då rettssaka starta, følgde NRK Møre og Romsdal Eirik Kursetgjerde på vegen til overføringsrettssalen i Ålesund.

NRK hadde ei omfatta dekking av rettssaka både på radio, TV og på Internett.

• Les saka frå den første dagen i rettssaka her

Molde blei seriemeisterar

Den 11. november blei Molde seriemeisterar. Dette var klart etter 1-0-sigeren over Hønefoss.

Feiringa fekk brei dekning på NRK.no.

• Les om gulljubelen i Molde

Sat fast i leire med vatn til livet

Den 7. juni kunne NRK Møre og Romsdal fortelje om ein skuletur som blei meir dramatisk enn det deltakarane kunne ønskje seg. Elevane frå Romsdal vidaregåande skule var på Nesjestranda og skulle bade.

• Les om redningsaksjonen her

15-åring slo 1314 løparar i Oslo

Gode idrettsprestasjonar er godt nettstoff. Live Solheim (15) deltok på KK-Mila i Oslo ein laurdag i september. Og sjølv om ho er berre 15 år slo ho alle deltakarane, uansett aldersklasse.

• Les om den oppsiktsvekkjande idrettsprestasjonen her

Kjempa for å kvitte seg med lege

19. september 2011 fortalde NRK Møre og Romsdal at ein tidlegare fastlege på Nordmøre blir etterforska for å ha misbrukt frikortsystemet hos NAV over lengre tid.

• Saka fekk stor merksemd over heile landet

Bustadplattforma på Njord måtte evakuerast

I sterk vind fekk bustadriggen Floatel Superior på Njord-feltet slagside 7. november. Riggen måtte evakuerast, og store deler av mannskapet blei flogne til Kristiansund.

Bustadriggen blei til slutt slept inn til Kristiansund.

• Les om dramatikken på Njord-feltet her

Fly frå Tyrkia til Ålesund i brann

Ein av passasjerane på flyet var motebloggar Lene Orvik frå Ålesund. Ho kunne fortelje at mannskap forlet flyet utan å hjelpe passasjerane først.

Passasjerane opplevde imidlertid situasjonen ulikt, men det var ei dramatisk og uhyggeleg oppleving for dei fleste.

• Her er reportasjen frå flybrannen

Nedkjølte barn blir behandla ulikt

Barn som blei sterkt nedkjølt blei eit tema i fleire forskjellige samanhengar det siste året. Saka kom opp i samband med drukningsulukkene ved Karihola i Kristiansund.

Og i januar 2011 fortalde foreldra til Sakarias Øvrebust om sine erfaringar, etter at Sakarias blei sterkt nedkjølt året før.

• Les: Ulik behandling av sterkt nedkjølte barn

Barnet blei «borte» på føden

Mange blei engasjerte då vi 3. oktober i år kunne fortelje om Marian Ahmad som vakna på føden etter keisarsnitt, og ikkje kunne finne att barnet sitt. Først dagen etter fekk ho vite kvar barnet var.

Artikkelen sette blant anna fokus på behovet for tolkar ved sjukehusa.

• Les om Ahmad og barnet som blei «borte» her

– «Akutt hjelp» er ein saga blott

I oktober sette NRK Møre og Romsdal søkjelys på dei nye fastlegeforskriftene. Ifølgje KS kan desse forskriftene gje ein nasjonal mangel på fastlegar.

Søskenparet Gerd Iren og André Sætremyr meiner mor deira kunne ha vore i live, dersom legevakta hadde fungert slik den burde.

• Les om følgjene av legevakta som blei nedlagt

– Kan ikkje vere naiv og tru av eg er kvitt spisevegringa

I februar fortalde Stortingsrepresentant Mette Hanekamhaug om spisevegringa ho har slite med.

Ho er erklært frisk av spisevegringa, men tør ikkje tru at alle problema er over.

• Les historia til Mette Hanekamhaug her

Var det eigentleg mårhund?

Av og til tek spekulasjonane av. Det gjorde dei verkeleg då rykta om observasjonar av mårhund blei spreidde på Sunnmøre.

Nokre dagar seinare slo ekspertane fast at det nok berre var snakk om ein mår.

• Les kva som var årsaka til at observasjonen vekte slik oppsikt

Stranda kommune er bankerott

I september nærma tida for kommunebudsjett seg med stormskritt. Og i Stranda hadde vanskane tårna seg opp.

Denne saka fulgte NRK Møre og Romsdal vidare utover hausten og vinteren.

• Denne omtalen av økonomien i Stranda vekte nasjonal oppsikt

Feriemareritt utan reiseforsikring

28. juni fortalde vi historia om Kim Rishaug frå Ålesund. Då han vakna opp lam på sjukehus i Thailand etter ei motorsykkelulukke, oppdaga han at reiseforsikringa var utgått.

• Les historia til Kim Rishaug her

Turistar trassar sperringane og leikar med livet

I slutten av juli fortalde vi historia om dei mange turistane i Geiranger som trassar sperringane, og går heilt ut på kanten av det stupbratte Flydalsjuvet.

Historia vekte sterke reaksjonar.

• Sjå bilete og video av korleis turistane utfordrar skjebnen –

Kom Odd, og sjå kva som er i hagen!

Astrid Solbjørg Holm og ektemannen Odd på Åndalsnes fekk uventa besøk i hagen ein laurdag i august.

Den nærgåande gjesten måtte skytast til slutt.

• Les om den nærgåande gjesten her

Miste halve familien på fire månader

Nokre menneske får oppleve meir vondt enn det er mogleg å tenkje seg. 2. januar 2011 fortalde vi historia om May-Britt Flåten som opplevde å miste to barn, i to forskjellige ulukker, på kort tid.

• Les historia til May-Britt Flåten

Såpeglatt i november

I november vart det såpeglatt på vegane igjen. Ikkje alle var budde på dette.

Bileta av dei første bilane i grøfta medverka nok til at folk frå heile landet gjerne leste denne artikkelen frå Møre og Romsdal.