Politiet melde søndag at den skadde fekk hovudet i klem i ei rundballeklype. Mannen blei sendt med luftambulanse til St. Olavs hospital i Trondheim.
Like før klokka 18.00 søndag kveld melder St. Olavs hospital at tilstanden til personen er alvorleg, men stabil.
Fekk hovudet i klem
Personen skal blant anna ha pådratt seg brot i hovudskallen, ifølge opplysingar politiet har fått frå sjukehuset.
Personen er ein utanlandsk arbeidar, som har vore tilsett på garden.
Hendinga skjedde under skifte av dekk på ein traktor. Det er då rundballeklypa skal ha blitt brukt til å løfte opp traktortrekket.
– I den samanhengen har arbeidaren fått hovudet i klem i reiskapen, seier operasjonsleiar i politiet, Sindre Molnes.
Arbeidstilsynet er rutinemessig varsla.
Politiet har vore på staden og gjort undersøkingar, samt snakka med vitne.
Politiet fekk melding via helsevesenet klokka 12.28.
