Aker Yards har i ettermiddag signert avtalen om bygging av 5 gassferjer til Fjord 1.
Roy Reite
Viktig
Direktør Roy Reite sier kontrakten er viktig for verftsgruppen. Aker bygde den første norske gafferja Glutra og har kompetanse på slike ferjer,sier Reite. Kontrakten er verdt 1,2 milliarder kroner.
Ferjene skal settast inn i sambanda Halhjem - Sandvikvåg i Hordaland (3 ferjer), og Arsvågen - Mortavika i Rogaland (2 ferjer) frå 1. januar 2007.
Skroga til alle 5 ferjene skal byggast ved Aker sitt eige skrogverft Aker Tulcea i Romania. Utrustinga skal skje ved Aker-verfta i Møre og Romsdal.
Partane tar sikte på å skrive endelege kontraktar på byggeoppdraget i januar 2005.
-Fjord1 er glad for å kunne plassere dette omfattande byggeoppdraget hos eit norsk verft. Det er både gledeleg og interessant for oss alle å kunne konstatere at Aker Brattvaag er tildelt kontrakten på eit klart og eintydig forretningsmessig grunnlag, der verftet har dokumentert sin konkurransekraft også overfor utanlandsk verft, skriv selskapet.
Fleire kjempa om kontrakta
Fjord1 har i sluttfasane av denne kontraheringsprosessen forhandla med 3 velrenommerte og kompetente verft. Alle 3 verfta har etter våre beste vurderingar gode føresetnader for å kunne gjennomføre dette byggeoppdraget.
Verdas første gassdrevne ferje, Glutra. Foto, Gunnar Sandvik.
-For Fjord1 er det spesielt interessant å kunne skrive kontrakt med eit verftskonsern som også inkluderer det verftet som i 2000 leverte verdas første naturgassedrivne ferje til Fjord1-selskapet MRF, skriv selskapet i ei pressemelding.