I slutten av april vart Nepal råka av det første av fleire alvorlege jordskjelv. Skjelva gjorde også skader i Bangladesh, Tibet og India, og utløyste fleire snøskred ved Mount Everest. 8500 menneske døde og nærare 17 000 personar mista heimane sine.
– Innbyggarane står ovanfor enorme utfordringar knytt til gjenoppbygginga av landet, og vi følte eit sterkt behov for å gjere noko då vi høyrde om jordskjelvet, fortel Ane Marte Hammerø i Nordveggen AS, som saman med den norske Fjellfestivalen tok initiativet til innsamlingsaksjonen «Fjellfolk til fjellfolk».
Les alt om jordskjelvkatastrofen i Nepal her.
Viktig å gi tilbake
Dei siste åra har fjellfolk frå Nepal bidratt til å gjere fjella i Rauma meir tilgjengelege. Sherpaane frå Nepal har blant anna bygd stiar ved Romsdalseggen og Rampestreken, og bidratt til bygginga av Romsdalstrappa og oppstiginga frå Vengesdalen.
– Vi har mottatt verdifull hjelp frå Nepal med å bygge opp viktige turistattraksjonar i kommunen, så det er ei glede å kunne gi noko tilbake, seier Hammerø.
– No er det vår tur til å hjelpe, held ho fram.
Pengane frå innsamlingsaksjonen går til Røde Kors sitt arbeid i Nepal.
– Jordskjelvet har skapt eit skrikande behov for hjelp. Vi ville gi pengane til ein organisasjon som allereie er på plass i Nepal og som raskt kan hjelpe lokalbefolkninga der, seier Hammerø.
- Les også:
- Les også:
Overvelda over givargleda
Både store og små, enkeltpersonar, interessegrupper, bedrifter og organisasjonar har bidratt til innsamlingsaksjonen.
– Vi har hatt alt frå bøsseinnsamlingar til små barn har selt kaker og kaffi utanfor lokalbutikken, seier Hammerø.
Ho er imponert både over kreativiteten og givargleda til innbyggarane i Rauma.
– Målet var å samle inn 200.000, og onsdag hadde vi samla inn nærmare 217.000. Det er heilt fantastisk, seier ho.
- Les også:
- Les også: