– Eg syns ikkje det ser så veldig lyst ut slik som situasjonen er i dag, så det er viktig at vi ikkje tek freden for gitt, seier Ansgar Sletta.
- Sjå tv-saka om Ansgar Sletta ovanfor.
Frigjeringsdagen
I dag, fredag 8. mai, er det 70 år sidan Tyskland kapitulerte og Noreg og andre okkuperte land kunne sleppe jubelen laus.
Frigjeringsdagen blei i dag feira over heile landet.
Også Veterandagen vart markert på Setnesmoen i Rauma fredag. Det var Møre og Fjordane heimevernsdistrikt 11 som inviterte veteranar, pensjonistar, tilsette og gjester til markeringa.
- Les også:
Minner om krigen
Eigentleg skulle Ansgar Sletta ha vore på Setnesmoen i dag han også, men for den 97 år gamle krigsdeltakaren vart det i staden tv-skjermen heime og minner om eigen deltaking i 1940.
Heime i stova viser han bilete frå tida under krigen. 11. april blei 20-åringen innrullert som kusk, og med hest og kjerre skulle han frakte utstyr til felttoget i Gudbrandsdalen.
Ansgar og troppen kom til Fåvang der tyske bomber gjorde at dei blei sendt tilbake til Romsdal. Der han blei dimittert 1. mai.
– Vi var skuffa på ein måte fordi vi ville vere med og kjempe for landet vårt, men på den andre sida var vi letta når vi såg kva vi hadde å hjelpe oss med, det var jo ingenting, seier Slette.
– Vi blei utstyrt med eit gevær, men vi hadde ikkje skot, held han fram.
På veg til dimittering vart han vitne til at hans eigen heim på Veblungsnes vart bomba.
– Heldigvis hadde familien min tatt med seg dyra og flytta på ei sæter, så eg visste at dei var berga, fortel Sletta.
- Les også:
