I haust startar arbeidet med kommunereforma som regjeringa vil gjennomføre. Kommunane skal gjere sine vedtak om snaue to år. Deretter kjem regjeringa med sitt forslag til ny kommunestruktur våren 2017.
– Også med tvang
Valforskar og professor i statsvitskap, Anders Todal Jenssen, er overtydd om at reforma vil bli gjennomført med tvang dersom det blir nødvendig.
– Dersom prosessen med lokale initiativ ikkje gir dei løysingane som statsråden ønsker, så er signala veldig klare på at departementet kan gå til Stortinget og be dei om å slå saman kommunar, sjølv om det er lokal motstand mot det.
- Les også:
– Lite å tape
Ifølgje valforskaren finst det fleire eksempel på slike samanslåingar i Noreg frå før av.
– Mange av dei var veldig kontroversielle, og har ført til vondt blod den dag i dag. Men, Stortinget er i slike samanhengar suverent og kostnadene er ganske beskjedne for dei fleste stortingspolitikarane med å fatte ei slik avgjersle.
- Les også:
– Betyr det då at bråket kjem i mindre kommunar, der er det færre veljarar slik at den politiske risikoen er liten?
– Ja, det er det eine aspektet. Det andre er at veldig mange av politikarane kjem frå dei største kommunane, gjerne i dei store byane, i heimfylket sitt, og sånn sett er det sjeldan at dei sjølve vert straffa.