Statsminister Erna Solberg seier til Aftenposten at avgjersla er teken.
Bru mellom det noverande ferjesambandet Anda- Lote, eller bru lengre inne med tunnel gjennom Utvikfjellet. Det var alternativa regjeringa stod mellom i førre veke, og no har dei kome fram til ein konklusjon.
Billegare alternativ
Kvivsvegen, der Solberg sjølv deltok i opninga av ei strekning i september 2012, vann. Ifølgje statsministeren er det prislappen som gjorde at det var den indre traséen som gjekk av med sigeren.
– No kan vi begynne med detaljplanlegginga. Dess raskare veivala vert tekne, dess lettare blir det å få fortgang i arbeidet, seier ho til Aftenposten og legg til at ei avgjersle ikring Møreaksen er det neste på gjeremålslista.
- Les også:
- Les også:
Det har lenge vore spørsmål om E39 ville krysse Nordfjord med bru der dagens ferje går mellom Anda og Lote, eller med bru lenger inne i fjorden mellom Svarstad og Frøholm.
Foto: Statens vegvesen
