Nærare 90 deltakara frå heile landet er denne helga samla til NM i klatring i Molde. Meisterskapet arrangerast av Romsdal Tindegruppe i samarbeid med Moldeveggen, som er eit av landets mest komplette klatreanlegg.
Dette er andre gongen klatre-NM blir arrangert i Molde.
– Det har vore ein del folk innom hallen så langt, men vi håpar på enno fleire under finalane seinare i dag, seier Martin Skrove, arrangør og leiar i Romsdal Tindegruppe.
- Les også:
Sterke lokale deltakarar
Romsdal Tindegruppe har om lag 400 medlem, der sju av desse deltek i helgas klatre-NM i Molde.
– Vi har sterke kvinnelege og mannlege deltakarar som konkurrerer om medalje både i senior og juniorklassene, så det blir spennande å sjå om dei når heilt til topps, seier Skrove.
Finalane i klatre-NM går av stabelen laurdag kveld, og den oppdaterte resultatliste kan sjåast på Norges klatreforbund sine nettsider.
- Les også:
Ikkje berre ein hobby
Skrove fortel at det har vore ei god utvikling og ei stor auke i unge klatrar i Romsdal-området dei siste åra.
– Vi har eit veldig aktivt ungdomsmiljø, der stadig fleire har byrja å sjå på klatring som ein idrett og ein konkurransesport i staden for ein hobby, fortel han.
Leiaren i Romsdal Tindegruppe fortel at slike arrangement er med på å auke rekrutteringa til idretten.
– Vi har mange medlem, men dei fleste av desse ser på klatring som ein hobby. Ved å arrangere eit klatre-NM her i Molde kan vi få merksemd rundt sporten, noko som er viktig for å få med den yngre garden, samtidig som vi viser at klatring også er ein idrett, seier Skrove.
Sjå videoar frå klatre-NM i Molde her.
- Sjå også:
