Får taletid på Stortinget

Facebookgruppa som kjempar mot auka ferjetakstar har på kort tid fått meir enn 25 000 medlemmer. I dag får dei taletid i Stortinget under høyringa om tiltak for ein betre ferjepolitikk. Arnt Sommerlund (arkivfoto) er medlem i arbeidsgruppa, og han set pris på at aksjonen blir tatt på alvor. – Gruppa viser eit breitt folkeleg engasjement, at det nyttar å engasjere seg via sosiale medium og at det kan få gjennomslag på Stortinget, seier han. Sommerlund seier vidare at dei no må vurdere om dei skal skipe ein organisasjon, eller om opprøret skal halde fram på nettet.