Allmøte ved Kleven verft
Alle tilsette ved Kleven verft i Ulstein er kalla inn til allmøte i dag. Etter det NRK kjenner til nærmar det seg no ei avklaring på dei økonomiske vanskane ved verftet. I allmøtet skal dei tilsette få ei orientering om detaljane i arbeidet som går føre seg no. Bedriftsleiinga har tidlegare stadfesta at Kleven står framfor store økonomiske utfordringar når det siste hurtigruteskipet blir overlevert like etter nyttår.
