Dyrt vedlikehald i Molde

Administrerande direktør Espen Remme sa under styremøtet at det blir brukt millionvis av kroner på å etterleve tilsynskrav ved det gamle sjukehuset i Molde.

Assisterande direktør Helge Ristesund la til at det er krevjande å drive sjukehuset og at det i det siste er brukt 150 milionar kroner å lukke vedtak frå Arbeidstilsynet.

– Vi er i ferd med å lukke det siste pålegget no. Det er krevjande og kan opplevast som å kaste pengar ut av vindauget når dette er eit bygg som skal avviklast, sa Ristesund.