Tidleg julegåve
Nynorsk kultursentrum har fått 233.000 kroner til formidling og forsking på nynorsk skriftkultur av Kulturdepartementet. Pengane kjem frå gåveforsterkingsordninga, som gir 25 prosent av gåvebeløpa institusjonen har fått av private aktørar. Pengane skal fordelast mellom Ivar Aasentunet, Olav H. Hauge-senteret, Vinje-senteret og det nettbaserte nynorsk-leksikonet Allkunne. – Dette gjer at gjestene våre på arrangement, festivalar, internett og i utstillingane kan få meir kunnskap og fleire opplevingar i 2019. Det er kjekt å få ei slik julegåve allereie før julaftan, seier direktør Per Magnus F. Sandsmark.
