Nokre ser på vedtaket som ein halv siger. Samstundes ser dei med uro fram til månader i uvisse kring sjukehussaka.
Uvisst når analysen er ferdig
Administrasjonen i Helse Nordmøre og Romsdal har fått i oppdrag å gjennomføre ein konsekvensanalyse. Og styret har utsett spørsmålet om Kristiansund skal ha akutt- og fødetilbod til utgreiinga er gjort.
– Ja, men når får vi konsekvensutgreiinga? Vedtaket seier ingen ting om det. Blir det januar, blir det mai? Dette betyr fleire månader med uro og uvisse, seier Perny Ann Nilsen.
– Føler meg ikkje trygg
Heller ikkje Asmund Kristoffersen føler seg på heilt trygg på korleis situasjonen blir med ei utsetjing.
– Nei, eg er utrygg på dette. Men det opnar likevel ei mulegheit. Utgreiinga skal gjerast på eit heilt objektivt grunnlag. Så får vi sjå om dette kjem til å skje. Men det har opna ei ny muligheit som kanskje ikkje var der då vi starta møtet., sier Kristoffersen.
– Administrasjonen har ein tung ballast
– Fyktar du at konsekvensutgreiinga framover vert eit skodespel?
– Ja, det er ei frykt. Men eg forventar at ein profesjonell administrasjon gjer det dei seier. Dei skal gå inn i dette med opne auge. Men dei har ein tung ballast med seg fordi dei har argumentert med at det er ubrukbart å gå vidare med akutt og føde på Kristiansund sjukehus. Eg ville ikkje ha vore i deira sko med å opparbeide meg tillit og krav på nøytralitet, seier Asmund Kristoffersen.
Ingen stemte for administrasjonen
I denne saka fekk ikkje forslaga frå administrasjonen ei einaste stemme. Spørsmålet er om dette kan oppfattast som ein «kilevink» til administrasjonen.
– Eg veit ikkje kva eg skal kalle det. Men dei fek i alle fall null stemmer for forslaget sitt, seier Perny Ann Nilsen.