Politikarar i Arbeidarpartiet lanserer kampanjen i dag for å få innspel om viktige tiltak.
Regjeringa må følge opp
Torve meiner kampanjen er positiv og viktig.
– Eg ventar at regjeringa følgjer opp og får på plass Stad skipstunnel. Det er jo slik at at skipstrafikken over Stad til tider er ganske krevjande. Uver er det nok av.
Sjøtransport må ikkje bety forseinkingar
Torve er klar på at meir gods på båtar ikkje må bety at transportørane må kalkulere med fleire forseinkingar.
– Dei som vel å sende gods på kjøl må få fram godset i tide og ikkje bli forseinka. Her blir Stad skipstunnel viktig, seier ho.
- Les også:
- Les også:
- Les også:
Betre for miljøet
Stortingsrepresentant Else May Botten frå Arbeidarpartiet meiner meir godstrafikk til sjøs vil vere ein fordel for klimaet.
– Det vil bli mindre klimautslepp om godstransporten blir flytta frå bil til kjøl. Det er allereie bygt mange nye hamner. Utfordringa er å faktisk få transporten frå veg til sjø, seier ho.
- Skikkeleg flott!
Krf-ordførar Jan Helgøy i Vanylven seier kampanjen som kystrepresentantane i Arbeidarpartiet er skikkeleg flott. Helgøy har sjølv vore ein mangeårig pådrivar for å få bygt skipstunnelen.
– Arbeidarpartiet er det største partiet i regjeringa og har kontroll med kystdepartementet. Eg håpar indereleg at Ap-representantane lukkast med den mobiliseringa dei no set i verk.
Ein rapport om nærskipstrafikk skal leverast og politisk behandlast i 2012. Helgøy trur innhaldet i rapporten vil synleggjere behovet for Stad skipstunnel ytterlegare.
– Skipstunnelen vil vere ein nøkkel for at ein skal ha tryggleik for godstrafikk på kysten, seier Helgøy.