Kveite­bollar frå Ingrid Espelid Hovig

Smelt smøret, ha i mjølka og varm væska til fingervarm, 37 grader.

Hell væska i ei bolle og ha i sukker og mjøl blanda med kardemomme og hornsalt. Elt deigen riktig seig og fin. I ein kjøkkenmaskin kan deigen eltast i 3–4 minutt med middels fart.

Dekk deigbollen med plast smurt med olje eller smelta margarin, så plasten ikkje skal henge fast i deigen når den hevar seg. Legg gjerne et klede over også. La deigen heve på ein lun stad til han er dobbelt så stor.

Dryss mjøl over bordet og skrap deigen ut. Få litt mjøl rundt heile deigen så han ikkje skal klistre seg til bordet. Trill deigen ut til ei lang pølse og del i 24 eller 32 emne, alt etter kor store bollar ein vil ha.

Trill emna til glatte bollar. Det er vanskeleg å trille bollar viss det er for mykje mjøl på bordet. Derfor går det stundom best ved berre å gni mjøl på hendene.

Set bollane med litt mellomrom på smurd plate eller plate dekt med bakepapir. Dekk med klede og la bollane heve til dei er riktig lubne og kjennest fløyelsmjuke å ta på.

Vil vi ha blank skorpe kan bollane penslast lett med egg vispa saman med litt vatn.
Steik kveitebollar på nedste rille i omnen ved 230 grader i 8–12 minutt, alt etter storleiken.
Avkjøl bollane på rist.