NRK Meny
Fylte kniplingskåler

Fyll kniplingskålene med vaniljekrem, bær og sabayonnesaus. Du kan velge om du vil brenne sausen før du har på melisdryss.

Foto: NRK

Fylte kniplingskåler

Elegant dessert med sprø, tynne skåler med vaniljekrem, bær og sabayonnesaus. Om du vil kan du avslutte med skibrenneren på toppen. Alt kan gjerast klar dagen før desserten skal serverast.

Slik gjør du

Kniplingskåler

Ha smør, sirup og sukker i ein liten kjele og la det stå på svak varme til sukkeret er smelta. Rør mjølet til ei glatt røre. Set røra i varmt vassbad så den held seg lunka. Legg røra med spiseskei på godt smurt plate. Glatt den litt utover. Legg ikkje meir enn 3-4 kaker på plata om gongen. Kakene utvidar seg mykje.

Steik kakene midt i omnen ved 170 grader i 8-10 minutt. Kakene skal flyte utover og få lys karamellfarge. La kakene ligge i 1-2 minutt for å setje seg. Ta dei forsiktig ut med steikjekniv. Legg kvar kake over ein snudd kopp og la dei stivne som små skåler. Kniplingskålene kan godt lagast ferdig ei veke før dei skal serverast.

Vaniljekrem

Snitt vaniljestonga i to og skrap ut dei svarte frøa. Ha frø og stong i ein kjele saman med fløyte og mjølk. Varm opp til cirka 35 grader. Bland eggeplommer, sukker og maisenna godt saman, og visp det ned til fløyteblandinga. Gi kremen eit oppkok. Sil den, og legg plastfolie tett nedpå kremen for å unngå snerk. La kremen bli kald.

Sabayonnesaus

Kok inn vinen til det halve. Ha i sukkeret og la det smelte. Visp eggeplommene lett saman i ein kjøkkenmaskin. Spe den kokande sukkerlaken i under kraftig visping. La maskinen vispe vidare på full styrke til kremen er kald. Kremen skal bli fyldig, lett og luftig.

Både vaniljekrem og sabayonnesaus kan lagast ferdig dagen før servering. Dekk kremane til og la dei stå kaldt.

Anretning

Set kniplingskålene på porsjonstallerkar. Legg først ei god skei vaniljekrem i kvar skål. Fyll så i forskjellige bær, friske eller djupfryste. Dekk med eit par skeier sabayonnesaus. Flamber eventuelt raskt med ein skibrennar. Sabayonnesausen skal berre få ein gyllenbrun skorpe. Ver varsam så karamellen i kniplingskålene ikkje blir brent. Legg ein liten haug bær ved sida av kniplingskåla. Dryss melis over det heile og pynt med eit friskt mynteblad.

Tips

Lasse Pallesen laget denne desserten da han var gjest i Fjernsynskjøkkenet 12. mai 1992.

Matprogram med Ingrid Espelid Hovig.

Lasse Pallesen startar på kniplingskålene 22:30 ute i programmet.

Kilde: Lasse Pallesen i Fjernsynskjøkkenet i mai 1992