Laster innhold, vennligst vent..
Fjernsynskjøkkenet, 1980.

VIDEO: I Fjernsynskjøkkenet kokte Ingrid Espelid Hovig kålen litt for seg sjølv før ho kokte kål og lammekjøt saman.

Fårikål frå Fjernsynskjøkkenet, 1980

I 1980 skulle det vere mykje meir kål i fårikålen enn dei fleste brukar i dag. Få oppskrifta frå Ingrid Espelid Hovig her.

Slik gjør du

Skjær kålen i båtar. Skjær av det meste av stilken, men la litt sitja att, slik at kålblada ikkje fell frå kvarandre. Viss du vil, kan du forvelle kålen (det vil si å koke han i ti minutt i ein kjele for seg sjølv) i lettsalta vatn. Vatnet skal ha to teskeier salt per liter.

Hell vatnet av kålbitane.

Skjær bort eventuelle slakteristempel på kjøtbitane. Vask kjøtet i lunka vatn, men ikkje la det liggja i vatn. Då kan krafta trekkast ut.

Ha litt margarin i botn av ei gryte, eller viss du har kjøt med mykje feitt: Legg dei feitaste bitane nedst. Bitar med mykje bein på bør og leggast i botn.

Legg så over eit lag med kål, og strø over salt – og litt av kveitemjølet. Gjenta til du ikkje har att meir kjøt eller kål. Viss gryta blir full, kan du vente med å ha i noko av kålen. Etter ein times tid har nemleg kålen falt litt saman, og det blir meir plass i gryta,

Hell over kokande vatn så det står halvvegs opp i gryta. La fårikålen koke ein time, og rist på gryta ein gang eller to. Ha i resten av kålen viss du la noko av den til side, og la alt småkoke i mellom ein og to timar til – til samen to til tre timar.

Kilde: Ingrid Espelid Hovig i Fjernsynskjøkkenet, 1980