Hopp til innhold

Yama Wolasmal går frå TV2 til NRK

Mangeårig reporter, programleiar og nyheitsanker i TV2, Yama Wolasmal, er tilsett som programleiar i den nye oppdateringseininga til NRK Nyheter.

Yama Wolasmal

Nyheitsanker i TV2 Nyhetskanalen, Yama Wolasmal, blir programleiar i den nye oppdateringseininga i NRK Nyheter frå hausten.

Foto: TV2

Yama Wolasmal (35) har arbeidd i TV2 sidan 2006 som reporter og utanriksreporter med særleg ansvar for Sør-Asia. I 2010 tok han permisjon i TV2 for å flytte til Kabul for ein periode. Då jobba han som Kabul-korrespondent for den engelskspråklege, kinesiske nyheitskanalen CCTV English, som er ein av dei største nyheitskanalane i verda.

Dei siste åra har han vore nyheitsanker i TV2 Nyhetskanalen og programleiar for debattprogrammet «Underhuset» på same kanal.

– Eg har hatt ti fantastisk lærerike år i TV2, og er takksam for alle moglegheitene eg har fått der. No ser eg fram til å vere med å bygge opp direktelinja i NRK, seier Wolasmal til NRK

Stolt og glad

Wolasmal seier han er lidenskapleg oppteken av «breaking news», og at han gler seg til å ta fatt på nye oppgåver i NRK.

– Samtidig ser eg fram til å møte gode kollegaer frå TV2 i konkurransen om å vere først ute med dei viktigaste nyheitshendingane.

Redaktør for NRK Direkte, Espen Olsen Langfeldt, er glad og stolt over å få Yama Wolasmal med på laget.

– Han har svært brei erfaring som reporter, programleiar og nyheitsanker, og han kan moderne nyheitsformidling. Yama vil komplettere laget i NRK Nyheter, og han kan også brukast i mange andre roller i NRK. Vi gler oss til han er på plass, seier han.

Kulturstrøm

  • Sterke poplåter, men lite utvikling

    – Billie Eilish er i samme posisjon nå som Rihanna i sin tid var i. Hun kunne prøvd seg på hva enn hun ville, og fansen hadde slukt hva enn slags utvikling hun gjorde med glede og entusiasme. Da er det litt skuffende at dette albumet er artistens minst videreutviklede karrieresteg så langt, skriver musikkritiker Sofie Martesdatter Granberg om artistens nye album «Hit Me Hard and Soft».