Hopp til innhold

Lars von Trier er uønska i Cannes

Filmfestivalen i Cannes kastar ut Lars von Trier frå festivalen med umiddelbar verknad, etter nazikommentarar.

FRANCE-FILM-FESTIVAL-CANNES

Lars von Trier er uønska i Cannes, etter kommentarar på ei pressekonferanse i går.

Foto: ANNE-CHRISTINE POUJOULAT / Afp

Filmfestivalen i Cannes meldte i dag at den danske filmregissøren er uønska på festivalen, etter at han kom med nazikommentarar under ein pressekonferanse i går, ifølgje nyheitsbyrået AFP.

Filmen «Melancholica» er likevel med i konkurransen for Palme d'Or, prisen for beste film.

«Cannes-festivalen er eit forum som artistar frå heile verda kan bruke til å presentere arbeidet sitt og forsvare ytringsfridomen og uttrykket sitt. Festivaldirektørane, som hadde eit ekstramøte i dag, er lei seg for at dette forumet har blitt misbrukt av Lars von Trier til å kome med kommentarar som er uakseptable, intolerante og ikkje samsvarar med ideala om humanisme og generøsitet som er bakgrunnen for heile festivalen», står det i pressemeldinga frå festivalen.

Hjalp ikkje å seie unnskyld

Festivalen tar avstand frå kommentarane og erklærer von Trier for uønska, ein «persona non grata» på filmfestivalen, med effektiv verknad.

Det hjalp dermed lite at regissøren ba om unnskylding for kommentarane i går.

Von Trier tråkka i salaten då ein journalist spurte han om hans forhold til tysk kunst på pressekonferansen.

Les: Naziflørt sjokkerte Cannes

Sjå video:

Video Von Trier sier han forstår Hitler

Von Trier seier han forstår Hitler.

– Eg ville eigentleg vere jøde, men så fant eg ut at eg var nazist. Eg forstår Hitler, sa han.

Ei talskvinne for festivalen seier til Reuters at ho ikkje veit om dette har skjedd før i historia eller om von Trier vil bli invitert tilbake til festivalen i framtida.

I 1958 vart den franske regissøren Francois Truffaut utestengt frå Cannes-festivalen fordi han uttalte seg negativt om den. I 1959 fekk han likevel kome tilbake til festivalen og vant til og med prisen for beste regissør for «De 400 slagene».

I 1954 skal skodespelarinna Simone Sylva ha blitt kasta ut av Cannes-festivalen og fråtatt tittelen som «Miss Festival», etter at ho reiv av seg bikinitoppen på stranda.

– Ein skandale

Vegard Larsen i «Filmbonanza» var til stade på ein eksklusiv nordisk pressekonferanse etter at von Trier hadde kome med nazikommentarane.

– Det er ein skandale. No var det vel humoristisk meint frå dansken, men ein kan vel kalle det ganske smaklaus humor. Han malte seg inn i eit hjørne han ikkje klarte å kome seg ut av, seier Larsen til NRK.

Kjetil Lismoen, filmanmeldar i Aftenposten, er einig.

– Det er jo tragikomisk, fordi det var eit forsøk på ironi, slik eg såg det. Men då må du kunne betre engelsk enn von Trier. Når det blir sitert i internasjonale medier utan ironi og intensjonen, er skaden allereie skjedd, og då må festivalen verne sitt renommé, sjølv om eg skulle ønske dei let tvilen kome han til gode, seier han til NRK.

Lismoen syns det burde vere større takhøgde i Cannes enn i Hollywood.

– Det var ikkje nokon under pressekonferansen som tok det som blei sagt seriøst, og ingen stilte oppfølgingsspørsmål, seier Vegard Larsen.

(Artikkelen held fram under biletet)

Lars von Trier

Kirsten Dunst vart tydeleg ukomfortabel på pressekonferansen då von Trier svarte at han var nazist.

Foto: YVES HERMAN / Reuters

Nervøs i pressesituasjonar

Von Trier har rykte på seg for å vere nervøs i pressesituasjonar. Kjetil Lismoen fortel at von Trier verka svært nervøs og svetta førre gong han vitja Cannes, med den kontroversielle filmen «Antichrist».

– I år virka han meir avslappa, slik at den kommentaren han kom med om nazistane berre blei klønete, og for nokon ufølsom, seier han til NRK.

Peter Aalbæk Jensen, direktør i Zentropa, filmselskapet som står bak Lars von Trier, bekreftar at dansken er kasta ut av filmfestivalen og trur ikkje han kan vinne Gullpalmen i år.

– Cannes hadde ikkje noko anna val, dei kunne ikkje risikere at han fekk Gullpalmen med slike kommentarar, seier han til Danmarks Radio.

– Det er latterleg

Aalbæk Jensen er ikkje overraska over avgjerda, men er lei for at det gjekk så langt.

– Han har sagt unnskyld, det burde vere nok, seier han.

Filmregissør og ven av von Trier, Jørgen Leth, meiner avgjerda er latterleg.

– Han er ein av våre største kunstnarar og har gitt så mykje til denne festivalen. Eg meiner festivalen overreagerer veldig, seier han til dansk TV2.

Kulturstrøm

  • Slående roman om kunstens politiske kraft

    – «Gjenferdet inn» får nesten slagside under vekten av detaljer og fortellinger som sakte og omstendelig vikles ut. Men gir du deg tid, får du et rystende bilde av prøvede palestineres erfaringer de siste åtti årene. Britisk-palestinske Isabella Hammad skriver om tilhørighet, om søster-relasjoner, om under­trykkelse og opprør. Når alt kommer til alt, skriver hun om kunstens betydning i livet, skriver litteraturkritiker Anne Cathrine Straume.

    Collage med bokomslaget til Gjernferdet Inn og et portrettbilde i svarthvit av forfatteren Isabella Hammad
    Terningkast 5 Bok

    «Rett inn i Palestina-konflikten»

    Anmeldelse: «Gjenferdet inn» av Isabella Hammad

  • Mannen bak Elvis-hiten «Suspicious minds» er død

    Mark James, som blant annet skrev «Suspicious minds» og «Always on my mind», som ble store hits for Elvis Presley, er død. Han ble 83 år gammel.

    James døde 8. juni i hjemmet sitt i Nashville i den amerikanske delstaten Tennessee, melder BBC.

    – Han var en dyktig forteller med det skjønneste smilet, en smittende latter og alltid glimt i øyet, skriver de etterlatte i en uttalelse.

    I 2014 ble James valgt inn i Songwriters hall of fame i USA.

    I tillegg til de nevnte gigantsuksessene for Elvis, skrev James også «Hooked on a feeling», som i Skandinavia – og en rekke andre land – fikk stor suksess i en versjon med Björn Skifs' band Blue Swede på midten av 1970-tallet.

    (NTB)