Twitter utleverte brukarinformasjon

Britiske myndigheiter tok Twitter for retten i California. No har nettsamfunnet utlevert informasjon om ein anonym brukar, som er skulda for å ha ærekrenka myndigheitene.

Twitter

Ahmed Khan, tilsett i South Tyneside council, brukte fleire anonyme Twitter-kontoar for å varsle om systemsvikt. Kommuna tok Twitter for retten i California for å få informasjon om Khan.

Foto: Sigurdsøn, Bjørn / SCANPIX

Twitter vart tvinga til å gi ut informasjon om ein anonym brukar til dei lokale myndigheitene i South Tyneside, England. Det er eit landemerke i debatten om Internett, personvern og ytringsfridom, skriv The Guardian.

Ahmed Khan blir skulda for å stå bak ei rekkje anonyme Twitter-kontoar, der det har kome ytringar om South Tyneside council. Han er sjølv tilsett der og nektar for at det er han som står bak ytringane.

Vart varsla på e-post

Jon Wessel-Aas

Jon Wessel-Aas meiner utviklinga er skremmande med tanke på vernet av varslarar.

Foto: Nina Didriksen

Tidlegare denne månaden fekk han ein e-post frå Twitter om at nettstaden hadde overlevert informasjon om han til myndigheitene: Namn, e-postadresse og telefonnummer. Khan hevdar i The Guardian at informasjon relatert til alle Twitter-kontoane hans, inkludert meldingar frå andre, er blitt utlevert myndigheitene.

– Ei rekkje varslarar har sendt meg private meldingar, som avslører det som er gale i kommuna, og myndigheitene veit dette, seier han.

NRK-advokat Jon Wessel-Aas seier at det ikkje er kontroversielt at ein er like ansvarleg for sine ytringar på Twitter som i andre offentlege fora, men at utviklinga er skremmande med tanke på forholda for anonyme varslarar.

– Mange offentlege tilsette føler seg friare til å delta i debatten på Twitter under eit anna namn. Det er litt skremmande om det skal vere så lett å avsløre varslarar overfor myndigheitene. Dette er ei påminning om at ein på Twitter ytrar seg i det offentlege rom, like mykje som om ein skulle skrive eit debattinnlegg i avisene, seier han til NRK.no.

– Twitter er berre ei publiseringsplattform, det fins ingen redaktør. Difor må ein stå for alle ytringane sjøv og det er ikkje noko kjeldevern på same måten som i media. Men dersom ein er anonym er det vanskelegare å forfølgje ytringane, seier han.

Ikkje første gong Twitter blir pressa

South Tyneside council tok saka heilt til ein domstol i California, fordi det er i San Fransisco Twitter har hovudkontor.

Det vert rekna for å vere første gong at Twitter bøyer av for press frå domstolane for å identifisere anonyme brukarar, ifølgje The Guardian.

Twitter skjermdump

Twitter har måtte dele ut informasjon om anonyme Twitter-kontoar, etter ei rettsavgjerd i California.

Men det er ikkje første gong Twitter blir pressa av myndigheitene for informasjon. I vinter brukte det amerikanske justisdepartementet Twitter for å leite etter folk som hadde kontakt med Wikileaks-gründer Julian Assange. Då gjekk sjefane bak Twitter til retten for å få rett til å kontakte brukarane som stod i fare for å bli avslørt.

Spesielt i Storbritannia har Twitter skapt problem for domstolane. Fotballspelaren Ryan Giggs gjekk nyleg til sak for å anmelde alle brukarane som hadde omtalt utruskapsforholdet han hadde til Big Brother-deltakaren Imogen Thomas på Twitter.

Ved bruk av superinjunctions, eller superforføyningar, kan kjendisar stoppe media frå å identifisere dei i slike tilfeller. Det er rettslege avgjerder som stoggar medieomtalen, og fleire aviser har protestert kraftig mot dette.

Mellom anna hadde The New Sunday Herald ei forside dekt av ansiktet til Ryan Giggs, der berre augene var sensurert og overskrifta var: «Vi veit alle kven dette er, men vi har ikkje lov å seie det».

Les også:

Kulturstrøm

  • Roy Lønhøiden kan havne i fengsel

    Den Spellemann-nominerte artisten reagerer sterkt på boten han fikk etter å ha kjørt over en stengt grenseovergang. I mars ble Lønhøiden stansa av norsk politi etter å ha passert en stengt grenseovergang.

    – Jeg har ikke råd til å betale noen bot. Det har vært dårlig med spillejobber det siste året. Da blir det i så fall fengsel, sier han.

  • Iron Maiden til Norge i 2022

    Musikkfestivalen Tons of Rock avlyser årets festival. Samtidig annonserer de at britiske Iron Maiden gjester Oslo og Ekebergsletta sommeren 2022.

    Iron Maiden i Trondheim
    Foto: Jørn Gjersøe
  • Tons of Rock avlyst

    Festivalen Tons of Rock er avlyst, melder festivalen selv på sine nettsider. Festivalen skulle vært avholdt på Ekebergsletta 23.-25. juni. De som har kjøpt billett til årets festival - eller til fjorårets, som også ble avlyst - kan bruke denne på neste års festival.